ՆԱԹՕ-ն Սուրիոյ Տարածքը Թռիչքազերծ Գօտի Յայտարարելու Մտադրութիւն Չունի. Ռասմուսեն

0
104

ՆԱԹՕ-ն «առաջնահերթ կարգով» կը քննարկի Թուրքիոյ հարցումը Patriot հրթիռային համալիրներ տրամադրելու վերաբերեալ: Այդ մասին յայտարարած է ՆԱԹՕ-ի գլխաւոր քարտուղար Անտերս Ֆոկ Ռասմուսեն, որ կը մասնակցի Պրիւքսէլի մէջ ընթացող ԵՄ երկիրներու արտաքին գործոց եւ պաշտպանութեան նախարարներու մակարդակով նիստին, կը հաղորդէ panarmenian.net-ը՝ վկայակոչելով ԻԹԱՐ-ԹԱՍՍ-ը:

«Եթէ Թուրքիայէն հարցում ստանան, ան կը քննարկուի առաջնահերթ կարգով»,- ըսած է Ռասմուսեն:

Սակայն, անոր խօսքով, ՆԱԹՕ-ն Սուրիոյ տարածքի մէկ մասին վրայ թռիչքազերծ գօտի ստեղծելու ծրագիրներ չունի:

«Մենք չենք խօսիր թիռչքազերծ գօտիի մասին: Եթէ մենք ստիպուած ըլլանք Սուրիոյ հետ Թուրքիոյ սահմանին տեղակայել Patriot հրթիռային համալիրներ, ատիկա պիտի ըլլայ զուտ պաշտպանական միջոց»,- Ռասմուսենի խօսքերը կը հաղորդէ «Ռիա Նովոսթի»-ն:

LEAVE A REPLY

Please enter your comment!
Please enter your name here