Օսկանեանի Վրայ Ճնշումը Ուժեղացնելու Փորձ Կը Կատարուի

0
156

«Սիվիլիթաս» հիմնադրամը երէկ հետեւեալ հաղորդագրութիւնը հրապարակած է.
Նոյեմբերի 19-ին «Սիւիլիթաս» հիմնադրամի հիմնադիր Վարդան Օսկանեանը հերթական անգամ հրաւիրուել է ՀՀ Ազգային Անվտանգութեան Ծառայութիւն (ԱԱԾ), այս անգամ տեղեկացուելու, որ հիմնադրամի կողմից դեռեւս 2009թ. իրականացրած ծրագրերից մէկի մասով փորձաքաննութիւն է նշանակուել: Այս կերպ, «փողերի լուացման» յատկանիշներով յարուցուած քրէական գործով Վարդան Օսկանեանին  մեղադրելուց յետոյ, իրաւապահները փորձում են անցում կատարել արդէն հիմնադրամի բուն գործունէութեանը‘ ուժեղացնելով ճնշումը ինչպէս հիմնադրամի ներկայ, այնպէս էլ նախկին աշխատակիցների նկատմամբ:
Մասնաւորապէս հարցաքննութեան է հրաւիրուել հիմնադրամի նախկին աշխատակիցներից մէկը, ով արդէն տեւական ժամանակ բնակւում է ԱՄՆ-ում: Ինչպէս արդէն տեղեկացրել էինք, ծրագիրը, որը յայտնուել է ԱԱԾ-ի ուշադրութեան կենտրոնում, վերաբերւում էր ՀՀ սահմանամերձ շրջաններում ջրամատակարարմանը:
Նոր սկսուող գործընթացը եւս մէկ ապացոյցն է մեր այն պնդումների, որ «փողերի լուացման» յատկանիշներով յարուցուած քրէական գործը զուտ պատրուակ էր «Սիվիլիթաս» հիմնադրամի եւ Վարդան Օսկանեանի նկատմամբ լայնածաւալ ճնշումներ գործադրելու համար:

LEAVE A REPLY

Please enter your comment!
Please enter your name here