Ռաֆֆի Յովհաննիսեան Պաքու Կը Մեկնի

0
106

 Քանի մը ժամէն «Ժառանգութիւն» կուսակցութեան ղեկավար Ռաֆֆի Յովհաննիսեան պիտի մեկնի Պաքու` մասնակցելու Ասիական քաղաքական կուսակցութիւններու միջազգային խորհրդաժողովի 7-րդ ասամպլիայի նիստին, ուր նաեւ պիտի ունենայ ելոյթ:
Այս մասին՝ ըստ panorama.am-ի՝ լրագրողներու հետ ճեպազրոյցի ընթացքին ըսած է Ռ. Յովհաննիսեան:

«Կուսակցութիւնը այս  հրաւէրը  ստացաւ  Գուրգէն Մարգարեանի մահուան տարելիցին: «Ժառանգութիւն»-ը պատասխանեց իր սկզբունքային դիրքորոշմամբ առ այն, որ այն երկիրը, որ ազատ կ’արձակէ եւ կը հերոսացնէ վախկոտ մարդասպանը, արժանի չէ որեւէ միջազգային ուշադրութեան ու մտադիր չէր մասնակցելու: Կազմակերպիչները կապի մէջ ըլլալով «Ժառանգութիւն» կուսակցութեան հետ` երաշխաւորեցած են ապահովել իմ ելոյթի ազատ եւ հաւասար հնարաւորութիւնը, եւ ես, դիտակելով այդ նոր պայմանները եւ, որ լիագումար 4-րդ նիստին ելոյթ պիտի ունենամ, իմ պատգամս պիտի բերեմ հրապարակ, որոշեցի ընդունիլ այդ հրաւէրը»,- մանրամասնած է «Ժառանգութիւն» կուսակցութեան ղեկավարը:

Ան նաեւ նշած է, որ պէտք է համոզուած ըլլան, որ շեղում պիտի չըլլայ այն եռամիասնութենէն, որ եղած է իր հաւատարմութեան օրակարգի առանցքը`  քաղաքացիական իրաւունք, ազգային շահ եւ պետութեան ինքնիշխանութիւն:

Ռ. Յովհաննիսեան ըսած է, որ կը մեկնի միայնակ: Նախ` մեքենայով պիտի երթայ Թիֆլիս, այնուհետեւ արդէն ինքնաթիռով` Պաքու:

 

LEAVE A REPLY

Please enter your comment!
Please enter your name here