Ըստ ԵԱՀԿ-ի Ընդհանուր Քարտուղարին՝ Արցախի Տագնապը Միայն Խաղաղ Լուծում Ունի

0
128

ԵԱՀԿ-ի ընդհանուր քարտուղար Լամպերթօ Զանիէր ատրպէյճանական «1news.az» կայքին տուած հարցազրոյցի մը ընթացքին նշած է, որ Հայաստանի ու Ատրպէյճանի արտաքին գործոց նախարարներուն հետ իր հանդիպումներուն ընթացքին անընդհատ շեշտած է հետեւեալ կէտերը.

1. Ղարաբաղեան հակամարտութեան լուծման որեւէ այլընտրանք չկայ, քան խաղաղ կարգաւորումը՝ Մատրիտեան սկզբունքներու հիման վրայ:
2. Այդպիսի հանգուցալուծման համար պէտք է խստօրէն պահպանել հրադադարը, հեռացնել հակամարտութեան գօտիէն արձակազէնները, զերծ մնալ պատասխան գործողութիւններէ եւ ռազմական հռետորաբանութենէ, որոնք աւելիով կը սրեն լարուածութիւնը:
3. Որեւէ արտաքին գործօն՝ ըլլայ ատիկա ԵԱՀԿ-ը կամ միջազգային մէկ այլ կառոյց, չի կրնար լուծել հակամարտութիւնը կամ որոշում պարտադրել կողմերուն վրայ: Կայուն եւ խաղաղ լուծում գտնելու համար, հարկաւոր է կողմերու քաղաքական կամքը, հաւատարմութիւնը գործընթացին եւ պատասխանատուութեան զգացումը:
ԵԱՀԿ-ի ընդհանուր քարտուղարը յայտարարած է նաեւ, որ ամբողջութեամբ կ՛աջակցի ԵԱՀԿ Մինսքի խմբակի գործունէութեան՝ զայն նկատելով միակ կառոյցը, որ պէտք է զբաղի Ղարաբաղեան հակամարտութեան կարգաւորումով:

 

LEAVE A REPLY

Please enter your comment!
Please enter your name here