Հայաստանի Նախագահ Սերժ Սարգսեան Լիբանան Մեկնած է

0
150

Հայաստանի նախագահ Սերժ Սարգսեանի գլխաւորած պատուիրակութիւնը Նոյեմբեր 26-ին` եռօրեայ պաշտօնական այցով` մեկնած է Լիբանանի Հանրապետութիւն: Այս մասին կը տեղեկացնէ News.am-ը:

Այցի ընթացքին նախագահը շարք մը հանդիպումներ պիտի ունենայ երկրի բարձրագոյն ղեկավարութեան` Լիբանանի նախագահ Միշէլ Սըլէյմանի, Ազգային ժողովի նախագահ Նեպիհ Պըրրիի, ընդլայնուած ձեւաչափով` երկրի խարհրդարանականներու, վարչապետ Նեժիպ Միքաթիի հետ: Սերժ Սարգսեան նաեւ պիտի հանդիպի Լիբանանի հայ համայնքի ներկայացուցիչներուն հետ:

Հայաստանի նախագահը պիտի այցելէ Անթիլիաս, հանդիպի Մեծի Տան Կիլիկիոյ կաթողիկոս Արամ Ա.-ի հետ:

Սերժ Սարգսեան պիտի այցելի Հայկազեան համալսարան, ուր պիտի հանդիպի դասախօսական կազմի եւ ուսանողներու հետ:

Հայաստանի նախագահը  պիտի հանդիպի նաեւ Մերձաւոր Արեւելքի Հայ աւետարանական եկեղեցիներու նախագահ Մկրտիչ Գարակէօզեանի, ինչպէս նաեւ Հայոց Կաթողիկէ եկեղեցու առաջնորդ Ներսէս-Պետրոս XIX պատրիարքին:  Պաշտօնական այցին ծիրէն ներս նախատեսուած է փաստաթուղթերու ստորագրման արարողութիւն, որոնք ուղղուած են տարբեր ոլորտներու մէջ Հայաստանի եւ Լիբանանի միջեւ համագործակցութեան ամրապնդման:

Նշենք, լիբանանահայ համայնքը բաղկացած է աւելի քան 100.000 մարդէ եւ աշխարհի մէջ ամենակազմակերպուածներէն մէկն է: Հայերը յատկապէս կը բնակին Լիբանանի մայրաքաղաքին, ինչպէս նաեւ` Մեթն եւ Այնճար շրջաններուն մէջ: Լիբանանահայերու մեծ մասը հետեւորդ է Հայ առաքելական եկեղեցւոյ: Լիբանանի կառավարութեան մէջ հայ համայնքը ունի նախարարական երկու աթոռ: Խորհրդարանին մէջ ներկայացուած է վեց պատգամաւորով:

 

LEAVE A REPLY

Please enter your comment!
Please enter your name here