Հայերն Ու Չեչենները Ռուսիոյ Մէջ Ամենամեծ Աճ Արձանագրած Ազգերն են. Ուսումնասիրութիւն

0
107

Ժողովրդագրական ուսումնասիրութիւններու ոլորտին մէջ մասնագիտացած «Տեմոսքոպ» պարբերականը հրապարակած է Ռուսաստանի ազգային կառուցուածքին վերաբերեալ հերթական զեկոյցը, ուր ամփոփուած են 1989-2010 թուականներուն երկրին մէջ բնակող տաբեր ազգութիւններու ներկայացուցիչներուն քանակն ու զարգացման չափի միտումները: Այս մասին՝ ըստ panorama.am-ի՝ կը տեղեկացնէ «slon.ru» կայքը:

Տուեալներուն համաձայն՝ 21 տարիներու ընթացքին աւելի արագ աճած է հայերու եւ չեչեններու թիւը Ռուսիոյ մէջ, համապատասխանաբար, աւելնալով 650 եւ 532 հազարով: 21 տարիներու ընթացքին աւելի շատ կրճատուած է ռուսերու (8,8 միլիոն) եւ ուքրանացիներու (2,4 մլն ) թիւը:

ՌԴ ազգային կառուցուածքի ամփոփոխ աղիւսակին մէջ հայերը ամենամեծ քանակը ունեցող ազգերու շարքին կը զբաղեցնեն 7-րդ հորիզոնականը: Եթէ 1989-ին հայազգի բնակչութեան թիւը Ռուսաստանի մէջ կը գնահատուի 532.4 հազար, ապա 2010-ի տուեալներով, այդ թիւը հասած է 1,182 հազարի:

Ուսումնասիրութեան մէջ կը նշուի, թէ որոշ ազգերու քանակի աճը կը բացատրուի ոչ թէ ժողովրդագրական գործընթացներով, այլ ազգային ինքնագիտակցութեան փոփոխամամբ: Ըստ որուն՝ ԽՍՀՄ վերջին տարիներուն, շատեր, որոնք իրենց կը համարէին ազգութեամբ ռուս, փլուզումէն ետք զիրենք դասած են այլ ազգութիւններու շարքին:

LEAVE A REPLY

Please enter your comment!
Please enter your name here