Ուքրանացի Քաղաքագէտը Հայկական Սփիւռքի Զարմանալի Յատկութիւններուն Մասին

0
128

«Հայ համայնքները աշխարհի տարբեր երկիրներու մէջ զարմանալի առանձնայատկութիւն ունին: Մէկ կողմէ հայերը ներքին կապ կը պահպանեն պատմական հայրենիքի հետ, միւս կողմէ` ամուր կերպով կ’արմատաւորուին նոր հայրենիքի մէջ, զգալով իրենց իբրեւ այդ երկրի քաղաքացիներ, աշխատելով յանուն անոր բարգաւաճումին: Անշուշտ, ատիկա հնարաւոր է միայն այն պարագային, եթէ նոր հայրենիքը բաց է եւ հիւրընկալ՝ անոնց հանդէպ»,- ըստ panarmenian.net-ի՝ յայտարարած է Analitika.at.ua-ին տուած մեկնաբանութեան մէջ ուքրանացի քաղաքագէտ Միխայիլ Պելեցքին:

Ըստ անոր, հանրայայտ է, թէ որքանով հայերը ներդաշնակ ընդելուզուած են այնպիսի երկիրներու կեանքին ու մշակոյթին, ինչպիսիք են Ռուսիան, Ֆրանսան, ԱՄՆ-ն, թէ որքան հայեր հոն դարձած են գիտութեան, մշակոյթի գործիչներ, ազգային հերոսներ:

«Շատ հին ժամանակներէն իր դռները հայերու առջեւ բացած է նաեւ Ուքրանիան: Ուստի, զարմանալի չէ, որ շատ մը հայերու դերը հոս նոյնպէս նշանակալից եղած է: Բաւական է յիշէլ Սերկէյ Փարաջանովի անունը:

«Այդ աւանդոյթի հիմքին մէջ նաեւ հայերու մասնակցութիւնը Ուքրանիոյ քաղաքական կեանքին:

«Մաղթենք Գերագոյն ռատայի նորընտիր հայ պատգամաւորներուն յիշել ընտրողներու առջեւ իրենց պարտքին մասին: Անոնց կրնայ օրինակ ծառայել յայտնի իրաւապաշտպան, պատգամաւոր Հենրիխ Ալթունեանը»,- յայտարարած է քաղաքագէտը:

LEAVE A REPLY

Please enter your comment!
Please enter your name here