Երեւանի Մէջ Կը Մեկնարկէ Բռնցքամարտի Աշխարհի Երիտասարդական Առաջնութիւնը

0
161

Երեւանի Կարէն Դէմիրճեանի անուան մարզահամերգային համալիրին մէջ Նոյեմբեր 28-ին պաշտօնապէս պիտի մեկնարկէ բռնցքամարտի աշխարհի երիտասարդական առաջնութիւնը: Այս մասին կը հաղորդէ Armenpress.am-ը: Երեւանեան այս առաջնութեան նախապէս մասնակցութեան յայտ ներկայացուցած էր 71 երկիր, սակայն Երեւան ժամանած է միայն 68-ը: Առաջնութեան տասը օրերու ընթացքին իրարու հետ ուժերը պիտի չափեն աշխարհի շուրջ 650 մարզիկներ:

Առաջնութեան պաշտօնական բացման արարողութիւնը պիտի ըլլայ Նոյեմբեր 28-ին, իսկ մինչ այդ մարզահամերգային համալիրին մէջ տեղի պիտի ունենայ մրցամարտերու վիճակահանութիւնը: Նախնական բուժզննութենէն ետք մարզիկները պիտի իրականացնեն նախնական մարտեր: Դեկտեմբեր 2-ին, 3-ին  եւ 4-ին յաջորդաբար պիտի կայանան “16-րդ պտոյտները” եւ քառորդ եզրափակիչները: Դեկտեմբեր 5-ը մարզիկներու համար պիտի ըլլայ հանգստեան օր, իսկ Դեկտեմբեր 7-ին պիտի կայանայ առաջնութեան եզրափակիչը, որուն ներկայ պիտի ըլլայ AIBA բռնցքամարտի միջազգային դաշնութեան նախագահ Չինկ-Քու Վուն:
Առաջնութեան ընթացքին Երեւան ժամանած մարզիկները հնարաւորութիւն պիտի ունենան մարզուելու տարբեր մարզադահլիճներու մէջ, իսկ հիմնական մարզումները պիտի ընթանան մարզահամերգային համալիրի մարզադահլիճին մէջ:

Հայաստանը այս ստուգատեսին կը ներկայանայ տասը մարզիկով` բոլոր տասը քաշային կարգերու մէջ:

2009-ին Երեւանի մէջ իրականացած AIBA բռնցքամարտի պատանիներու աշխարհի առաջնութեան կը մասնակցէր  51 երկիր:

LEAVE A REPLY

Please enter your comment!
Please enter your name here