Սերժ Սարգսեան Հայկազեան Համալսարանին Մէջ Ուսանողներու Եւ Դասախօսներու Առջեւ Ելոյթ Ունեցած է

0
116

Պաշտօնական այցով Լիբանան գտնուող նախագահ Սերժ Սարգսեան նախօրէին այցելած է Հայկազեան Համալսարան, ուր հանդիպում ունեցած է Լիբանանի չորս առաջատար համալսարաններու` Հայկազեան, Պէյրութի ամերիկեան (AUB), Լիբանանի ամերիկեան (LAU) եւ Սեն-ժոզէֆ (Saint Joseph) համալսարաններու դասախօսական անձնակազմերուն, միջազգայնագէտ ուսանողներու հետ: Նախագահը հանդէս եկած է ելոյթով եւ պատասխանած է ուսանողներուն հետաքրքրող հարցերուն: Այս մասին կը հաղորդեն ՀՀ նախագահի մամուլի գրասենեակը:

«Հայաստանից դուրս միակ հայկական համալսարանում հիւրընկալուելը եւ ելոյթով հանդէս գալը իւրօրինակ զգացում է` ջերմ ու պարտաւորեցնող: Այն հանգամանքը, որ սփիւռքեան միակ հայկական բարձրագոյն ուսումնական հաստատութիւնը գտնւում է հէնց Լիբանանում, վկայում է հայ-լիբանանեան առանձնայատուկ բարեկամութեան մասին: Ուրախալի է, որ լինելով Հայաստանից դուրս գործող համալսարան` Հայկազեան Համալսարանը կրթական օճախ է ոչ միայն հայերիս, այլեւ բոլոր ազգերի եւ կրօնների ներկայացուցիչների համար, ինչը համամարդկային արժէքներին համալսարանի հիմնադիրների նուիրուածութեան խօսուն վկայութիւնն է: Առանձնապէս հաճելի է, որ Պէյրութի Հայկազեան ճեմարանի այս գեղեցիկ սրահում ներկայ են նաեւ Լիբանանի հեղինակաւոր համալսարանների` Պէյրութի ամերիկեան, Լիբանանի ամերիկեան եւ Սեն Ժոզեֆ համալսարանների փրոֆէսորներ եւ ուսանողներ»,-ըսած է Նախագահ Սերժ Սարգսեան:

Հանրապետութեան ղեկավարը համալսարանականներու հետ հանդիպման ընթացքին խօսած է նաեւ պատմութեամբ ժառանգութիւն ստացած հայ-լիբանանեան բարեկամութիւնը շարունակելու, աւելի սերտացնելու, երկկողմ շփումները աշխուժացնելու` հայ եւ լիբանանցի երիտասարդներու առաքելութեան մասին, անդրադարձած` Հայաստանի արտաքին քաղաքականութեան օրակարգի կարեւորագոյն հարցերուն, ներառեալ՝ ԼՂ հակամարտութեան կարգաւորման գործընթացին, տարածաշրջանային խնդիրներուն եւ մարտահրաւէրներուն, Հայաստան-Թուրքիա յարաբերութիւններու ներկայ վիճակին, Միրջին Արեւելքի ներկայ բարդ իրավիճակին եւ անոր հանգուցալուծման` Հայաստանի մօտեցումներուն:

Սերժ Սարգսեան հանդիպումի մասնակիցներուն ներկայացուցած է նաեւ Հայաստանի տնտեսութեան զարգացման ընթացքը, ծաւալած բարեփոխումները, հեռանկարային շարք մը ոլորտներու մէջ իրականացուող ծրագիրները:

Անդրադառնալով դարերու պատմութիւն ունեցող հայ-լիբանանեան յարաբերութիւններուն, որոնք Հայաստանի անկախացումէն ետք ալ անցեալ քսան տարիներուն մշտապէս կարեւոր համարուած են Հայաստանի բոլոր քաղաքական ուժերու կողմէ, Սերժ Սարգսեան ընդգծած է, որ հայերն ու լիբանանցիները եղած է եւ կը մնաեն տարածաշրջանի այն ժողովուրդները, որոնք ոչ թէ ռազմատենչ ոգիով ու թշնամանքով, այլ խաղաղասիրութեամբ, կենսունակութեամբ եւ աշխատասիրութեամբ վաստակած են աշխարհի սէրն ու յարգանքը:

«Աշխարհասփիւռ հայ ժողովուրդը մշտապէս երախտապարտ կը լինի արաբ եղբայրներին` Լիբանանի, Սիրիայի, Եգիպտոսի, Իրաքի ժողովուրդներին, ովքեր չհանդուրժեցին մարդկութեան դէմ կատարուող յանցագործութիւնը եւ ապաստան տուեցին Օսմանեան իշխանութիւնների ոճրագործութիւնից փրկուած հայ փախստականներին:
Մեր ժողովուրդների բարեկամութեան անկեղծութեան եւ ամրութեան մէկ ապացոյց է նաեւ Լիբանանի իշխանութիւնների, խորհրդարանի եւ ժողովրդի սկզբունքային դիրքորոշումը: Լիբանանը մերձաւորարեւելեան առայժմ միակ երկիրն է, որի օրէնսդիր մարմինը Ցեղասպանութիւնը դատապարտող երկու բանաձեւ է ընդունել»,- ըսած է նախագահ Սարգսեան:

Իր ելոյթին մէջ նախագահ Սերժ Սարգսեան ընդգծած է, որ Հայաստանի իշխանութիւնները լիայոյս են, որ շուտով արաբական աշխարհին մէջ խաղաղութիւն կը տիրի, եւ մարդիկ հնարաւորութիւն կը ստանան բռնել կայուն զարգացման ճանապարհը: Նախագահի խօսքով, Հայաստանը կողմ է այդ փոփոխութիւններու խաղաղ իրագործմանը` առանց զոհերու եւ ահաբեկչութեան:

Նշելով, որ Հարաւային Կովկասի եւ Մերձաւոր Արեւելքի տարածաշրջանների անվտանգութիւնը մեծապէս շաղկապուած է, նախագահը համալսարանականներուն ըսած է. «Լեռնային Ղարաբաղի ժողովուրդը երբեք չի հաշտուել եւ մշտապէս ընդվզել է Ատրպէյճանին բռնակցելու` խորհրդային իշխանութիւնների ապօրինի որոշման հետ, իսկ ԽՍՀՄ փլուզումից յետոյ արցախցու ազատ ապրելու կամքը զէնքի ուժով խեղդելու Ատրպէյճանի իշխանութիւնների փորձերը համարժէք պատասխան ստացան: Արդէն գրեթէ երկու տասնամեակ բանակցութիւններ են ընթանում, սակայն առայժմ չունենք խաղաղութեան համաձայնագիր միայն մէկ պատճառով. Ատրպէյճանը պատրաստ չէ խնդրի փոխզիջումային լուծման, իսկ նաւթային (քարիւղային) հեշտ եկամուտները այդ երկրի ղեկավարների մօտ գլխապտոյտ ու սին պատրանքներ են առաջացրել խնդրի ռազմական լուծման ուղղութեամբ:

«Ատրպէյճանի իշխանութիւնները տարիներ շարունակ հրահրում են սպառազինութիւնների մրցավազք, հրաժարւում վստահութեան միջոցառումներից, փորձում մշտական լարուածութիւն պահել շփման գծում, մերժում համագործակցութեան, երկխօսութեան ցանկացած առաջարկ` այս ամէնի համար վատնելով միլիարդներ: Սա իրական վտանգ է, որը թէժացնում է տարածաշրջանում առանց այդ էլ լարուած մթնոլորտը` փոշիացնելով երկխօսութեան եւ խաղաղութեան հնարաւորութիւնները»:

Սերժ Սարգսեան ընդգծած է, որ հակառակ այս ամէնուն, Հայաստանը հաւատարիմ է խաղաղ բանակցային ճանապարհով հարցի կարգաւորման, քանի որ կը գիտակցի պատերազմի արհաւիրքը ոչ միայն հակամարտութեան մէջ անմիջականօրէն ներգրաւուած ժողովուրդներու, այլեւ ամբողջ տարածաշրջանի համար եւ այս առնչութեամբ բարձր կը գնահատէ նաեւ Լիբանանի հաւասարակշռուած դիրքորոշումը ԼՂ հիմնախնդրի առնչութեամբ»:

Նախագահը խօսած է նաեւ Հայոց Ցեղասպանութեան միջազգային ճանաչման գործընթացին մասին, նշելով, որ կը մօտենայ Ցեղասպանութեան 100-րդ տարելիցը, եւ մեր ժողովուրդի դէմ կատարուած յանցագործութիւնը դեռ պէտք է ստանայ իր արժանի գնահատականը:  Համաշխարհային քաղաքակիրթ հանրութիւնը, Սերժ Սարգսեանի խօսքով, դեռ իր խօսքը ունի ըսելու այս հարցին առնչութեամբ:Պ

Ընդգծելով, որ հակամարտութիւնները եւ տարաձայնութիւնները կը քայքայեն կայունութիւնը մեր տարածաշրջաններու մէջ, կը խոչընդոտեն խաղաղ գոյակցութեան, բնականոն զարգացման եւ բարեկեցիկ կեանքով ապրելու հեռանկարը, Հանրապետութեան ղեկավարը նշած է, որ Հայաստանի մէջ հնարաւոր ամէն ինչ կ’ընեն` ապահովելու ապագայ սերունդներու առաւել անվտանգ եւ ապահով ապագան` հաւատալով կրթութեան միջոցով կայուն զարգացման եւ խաղաղ գոյակցութեան ճանապարհին:

LEAVE A REPLY

Please enter your comment!
Please enter your name here