Լաւրով Հանդիպում Կ’ունենայ Սուրիոյ Ներքին Ընդդիմութեան Պատուիրակութեան Հետ

0
148

 Ռուսիոյ  արտաքին գործոց նախարար Սերկէյ Լաւրով Մոսկուայի մէջ պիտի ընդունի Սուրիոյ ներքին ընդդիմութեան պատուիրակութիւնը` Հասան Ապտըլ Ազիմի գլխաւորութեամբ:

Այս մասին կը հաղորդէ «Արմենփրէս»-ը` վկայակոչելով արաբական լրատուամիջոցները: Հանդիպման նպատակն է քննարկել սուրիական ճգնաժամը եւ յորդորել ընդդիմութիւնը երկխօսութիւն սկսելու Սուրիոյ կառավարութեան հետ:

Սուրիոյ ներքին ընդդիմութեան պատուիրակութեան անդամներէն Արէֆ Տալիլան Մոսկուայի մէջ լրագրողներուն տուած հարցազրոյցի ժամանակ նշած է, որ Սուրիոյ ներքին ընդդիմութիւնը պատրաստ է բանակցելու սուրիական իշխանութիւններուն հետ քաղաքական համակարգը փոխելու ծիրէն ներս:

Ան նաեւ աւելացուցած է, որ իրենք պատրաստ են ոչ թէ երկխօսութեան, այլ բանակցութիւններու, ուր պիտի քննարկուի քաղաքական համակարգը փոխելու հարցը:

 

LEAVE A REPLY

Please enter your comment!
Please enter your name here