Ամբողջ Սուրիոյ Տարածքին Համացանցային Կապը Անջատուած է

0
109

ՄԱԿ-ի եւ Արաբական Լիկայի` Սուրիոյ հարցերով յատուկ պատուիրակ Լախտար Իպրահիմի ՄԱԿ-ի Անվտանգութեան Խորհուրդի առջեւ ունեցած ելոյթի ընթացքին Սուրիոյ ներքաղաքական խնդիրներու վերաբերեալ յատուկ տեղեկագիր ներկայացուցած է: Ինչպէս կը հաղորդէ «Արմենփրէս»-ը` վկայակոչելով արաբական լրատուամիջոցները, Իպրահիմի ընդգծած է, որ հակամարտութեանն առնչուող բոլոր կողմերը պէտք է պատրաստ ըլլան երկխօսութեան` լուծում տալու սուրիական խնդրին:

Արաբական լրատուամիջոցները կը յայտնեն նաեւ, որ ամբողջ Սուրիոյ տարածքին համացանց կապը անջատուած է տակաւին անյայտ պատճառներով:

Սուրիական ընդդիմութեան տարբեր աղբիւրներ տեղեկացուցած են, որ Դամասկոսի մէջ ընթացող բուռն մարտերու պատճառով մայրաքաղաքին միջազգային օդակայանը ժամանակաւորապէս դադրեցուցած է իր աշխատանքը: Անվտանգութեան նկատառումներէ մեկնելով թէ արաբական եւ թէ արտասահմանեան այլ երկիրներու օդանաւային ընկերութիւնները դադրեցուցա են իրենց չուերթները դէպի Դամասկոս:

Իսկ Հալէպի Ալ Անսարի թաղամասին մէջ վերջին սաստիկ ռմբակոծութիւններու հետեւանքով արձանագրուած է 20 զոհ, որուն 8-ը` երեխաներ: Այս իրադարձութիւններէն ետք պաշտօնական Մոսկուան յորդորած է սուրիական հակամարտութեան կողմերուն` մարտերու ընթացքին դադրեցնել ծանր հրետանիի եւ թնդանօթներու կիրառումը:

 

 

LEAVE A REPLY

Please enter your comment!
Please enter your name here