ԱՄՆ Գոնկրէսին Մէջ Պիտի Նշուի Արցախի Անկախութեան 21-րդ Տարեդարձը

0
121

Դեկտեմբեր 5-ին ԱՄՆ Գոնկրէսին մէջ տեղի պիտի ունենայ Արցախի անկախութեան 21-րդ, ԼՂՀ Սահմանադրութեան ընդունման 6-րդ տարեդարձին նուիրուած ձեռնարկ, որուն կազմակերպիչն է Հայաստանին աջակցութեան խումբը: Արցախի անկախութեան մասին հանրաքուէն եւ Սահմանադրութեան ընդունման վերաբերեալ հանրաքուէն տեղի ունեցած են 10 Դեկտեմբեր ` 1991-ին եւ 2006-ին համապատասխանաբար: Այս մասին կը հաղորդէ «Ասպարէզ»-ը:

Ձեռնարկին ժամանակ պիտի ընթերցուի ԼՂՀ ԱԳ նախարար Կարէն Միրզոյեանի ուղերձը, ելոյթ պիտի ունենան ԱՄՆ Գոնկրէսի Հայաստանին աջակցող խումբի անդամները եւ ԱՄՆ-ի մօտ ՀՀ դեսպան Թաթուլ Մարգարեան:

Ձեռնարկին պիտի մասնակցին նաեւ դիւանագէտներ, քաղաքական գործիչներ եւ ԱՄՆ հայ համայնքի ներկայացուցիչներ:

Միջոցառման յատուկ հիւրը պիտի ըլլայ «Ոչ մի տեղ. բռնագաղթի պատմութիւնը» գիրքի հեղինակ Աննա Աստուածատրեան-Թուրկոթթ, որ փրկուած է Պաքուի ջարդերէն 1990 թուականին

LEAVE A REPLY

Please enter your comment!
Please enter your name here