Եգիպտոսի Սահմանադրութեան Նոր Նախագիծը Պատրաստ է

0
148

Եգիպտոսի Սահմանադրական վեհաժողովը երկրի նոր սահմանադրութեան նախագիծի շուրջ աշխատանքները աւարտած է: Այս մասին՝ըստ panorama.am-ի՝ յայտնած է վեհաժողովի ներկայացուցիչներէն մէկը:

Փաստաթուղթի նախագիծը Եգիպտոսի նախագահին պիտի ներկայացուի այսօր: Եթէ նախագահ Մորսին հաւանութեան արժանացնէ զայն, ապա երկրին մէջ տեղի պիտի ունենայ նոր սահմանադրութեան ընդունման հանրաքուէ:

«Ռոյթըրզ» գործակալութեան հաղորդումով՝ Եգիպտոսի նոր սահմանադրութեամբ պետութեան ղեկավարը պիտի ընտրուի երկու անգամ անընդմէջ 4 տարի կառավարման ժամկէտով: Պատերազմ յայտարարելու պարագային նախագահը պէտք է ստանայ ինչպէս խորհրդարանի, այնպէս ալ Պաշտպանութեան ազգային խորհուրդի աջակցութիւնը:

Բացի այդ, փաստթուղթին մէջ անփոփոխ կը մնան տակաւին Հիւսնի Մուպարաքի նախագահութեան տարիներէն գործող շարիաթի օրէնքները, որոնք կը կազմեն պետութեան օրէնսդրութեան հիմքը:

Յիշեցնենք, վերջին շաբաթուան ընթացքին Եգիպտոսի տարբեր քաղաքներու մէջ բողոքի լայնածաւալ գործողութիւններ տեղի կ’ունենային նախագահ Մորսիի ընդունած սահմանադրական հռչակագրի առնչութեամբ: Համաձայն այդ փաստաթուղթին, նախագահ Մորսին զգալիօրէն կ’ընդլայնէր իր լիազօրութիւնները եւ կ’արգելէ սեփական որոշումներու բեկանումը նոյնիսկ դատական ատեաններու մէջ:

Ի պատասխան բողոքի, Մոհամմէտ Մորսի յայտարարած էր, թէ իշխանութեան մարմիններու իրական տարանջատման մեքանիզմը պիտի իրականացուի սահմանադրութեան նոր նախագիծի ընդունումէն ետք:

Յյիշեցնենք, Մոհամմէտ Մորսի Եգիպտոսի նախագահի պաշտօնը զբաղեցուցած է 2012 Յունիսին` դառնալով երկրի վերջին 30 տարիներու միակ նախագահը, որ ընտրուած է ընտրութիւններու միջոցով:

LEAVE A REPLY

Please enter your comment!
Please enter your name here