Թուրքիոյ Մէջ Ճանապարհաշինութեան Ժամանակ Հայկական Գերեզման Յայտնաբերուած է

0
172

Թուրքիոյ Սիիրթ (Սղերթ) եւ Էրուհ գաւառներու միջեւ իյնկած ճանապարհահատուածին իրականացուող շինարարական աշխատանքներու ժամանակ յայտնաբերուած է հայկական գերեզման: Այս մասին կը յայտնէ Armenpress-ը՝ վկայակոչելով Haber-3 գործակալութիւնը:

Ճանապարհահատուածին մօտ գտնուող Քայապողազ գիւղի բնակիչները յայտնած են, որ դեռ 2011 թուականէն սկսած շինարարական աշխատանքներու արդիւնքով ի յայտ եկած են հայերուն պատկանող շուրջ 100 գերեզման: «Գերեզմանի ոսկորները տարածքի մէջ թափած էին: Մենք հաւաքեցինք, սակայն ոչ մէկը ուշադրութիւն չդարձուց այս իրադարձութեան:

Կիսափոր գերեզմանէն ոսկորները կ’երեւան դուրսէն: Գիտենք, որ գերեզմանը կը պատկանի հայերունն: Գերեզմանէն աւելի վեր կայ նաեւ եկեղեցի: Այստեղ տարիներ առաջ հայեր ալ կ’ապրէին, սակայն այժմ գիւղի մէջ ոչ ոք չկայ՚,- պատմած են գիւղացիները:

Անոնք բողոքած են, որ արդէն շուրջ մէկ ամիս է` կ’ապրին բաց գերեզմանի հարեւանութեամբ, իսկ թրքական իշխանութիւնները բան չեն նախաձեռներ այս առնչութեամբ: Գիւղի բնակիչները իշխանութիւններու նման պահուածքը որակած են՝ «ամօթ՚ եւ «մեղք՚:

«Անհրաժեշտ է, որ իշխանութիւնները հետաքրքրուին այս հարցով: Պէտք է տեղափոխել ոսկորները համախպատասխան վայր: Պէտք չէ այսպէս ձգել՚,- դժգոհած են անոնք:

 

LEAVE A REPLY

Please enter your comment!
Please enter your name here