Հայաստան Պիտի Ժամանէ Եւրոպական Յանձնաժողովի Նախագահը

0
139

 Եւրոպական յանձնաժողովի նախագահ Ժոզէ Մանուէլ Պարոզօ այսօր պիտի ժամանէ Հայաստան: Հայաստանի մօտ Եւրոպական Միութեան պատուիրակութեան մամուլի եւ տեղեկատուութեան բաժնի հաղորդագրութեան համաձայն, Եւրոպական յանձնաժողովի նախագահը պիտի հանդիպի Հայաստանի նախագահ Սերժ Սարգսեանի, Ազգային ժողովի նախագահ Յովիկ Աբրահամեանի եւ վարչապետ Տիգրան Սարգսեանի հետ, ինչպէս նաեւ ողջոյնի խօսք պիտի ուղղի քաղաքացիական հասարակութեան ներկայացուցիչներուն:

Հանդիպումներու ընթացքին պիտի քննարկուին Եւրոմիութիւն – Հայաստան յարաբերութիւններուն, ներքին քաղաքական իրավիճակին վերաբերող, տարածաշրջանային, ինչպէս նաեւ երկուստէք հետաքրքրութիւն ներկայացնող այլ հարցեր:

Դեկտեմբեր 1-ին Ժոզէ Մանուէլ Պարոզօ եւ Սերժ Սարգսեան համատեղ ասուլիս պիտի ունենան:

 

 

LEAVE A REPLY

Please enter your comment!
Please enter your name here