Պաղեստինը ՄԱԿ-ի Մօտ Դիտորդ-պետութեան Կարգավիճակ Ստացաւ

0
104
 ՄԱԿ-ի Գերագոյն վեհաժողին մէջ Նոյեմբեր 29-ին կայացած քուէարկութեան արդիւնքով Պաղեստինեան Իշխանութիւնը ստացաւ է այդ կազմակերպութեան մօտ դիտորդ-պետութեան կարգավիճակ: Ռամալլայի օգտին քուէարկեցին 139 երկիրներ, որոնց շարքին Հայաստանը, Ռուսաստան, Պրազիլը, Չինաստանը, Թուրքիան, Հարաւային Քորիան, Լիբանանը եւայլն:

Պաղեստինեան դիմումին դէմ քուէարկած են ինը պետութիւններ, որոնց շարքին` ԱՄՆ-ն: Հակառակ սպասումներու, Գերմանիան հրաժարեցաւ օգնել Թել Աւիւին:

Պաղեստինեան իշխանութեան նախագահ Մահմուտ Ապպաս ՄԱԿ-ի Ընդհանուր ժողովին առջեւ խօսք արտասանելով ըսաւ. «Մենք համոզուած ենք, որ միջազգային ընտանիքը երկու պետութեամբ լուծումը փրկելու վերջին առիթին առջեւ կը կանգնի… Պաղեստինցի ժողովուրդը կը շարունակէ խաղաղութեան հաւատալ… Ժամանակը հասած է, որ աշխարհ յարձակումին, բնակեցումին եւ բռնագրաւումին յստակ կերպով բաւ է ըսէ… Մեր նպատակը խաղաղութեան հոլովոյթին ձեռնարկման վերջին առիթ տալն է… Միայն 1967-ի հողամասերուն վրայ եւ Երուսաղէմ մայրաքաղաքով պաղեստինեան պետութիւն մը պիտի ընդունինք… Պաղեստինցիք պիտի շարունակեն ժողովրդային խաղաղ դիմադրութիւնը… Կը պահանջենք, որ ՄԱԿ-ի Ընդհանուր ժողովը պաղեստինեան պետութեան ծննդեան վաւերագիրը հրապարակէ:

Իսրայէլի վարչապետ Պենիամին Նեթանիահու  յայտարարեց, որ «ՄԱԿ-ի մօտ Պաղեստինին ոչ անդամ պետութեան դէտի կարգավիճակի տուչութեան շուրջ քուէարկութիւնը գետնի վրայ ոչինչ պիտի փոխէ»` աւելցնելով, որ «պաղեստինցիները այս ձեւով պետութիւն պիտի չունենան»:

Ան քուէարկութենէն ժամեր առաջ Երուսաղէմի մէջ յայտնեց, որ «ՄԱԿ-ի որոշումը գետնի վրայ ոչինչ պիտի փոխէ եւ պաղեստինեան պետութեան հաստատման հոլովոյթը յառաջ պիտի չմղէ, այլ ընդհակառակն` զայն պիտի ուշացնէ»:Ռամալլային նոր կարգավիճակ տրամադրելը ինքնավարութեան իշխանութիւններուն թոյլ կու տայ բողոքել միջազգային ատեաններուն, որոնք կը գործեն ՄԱԿ-ի հովանիին տակ: Մասնաւորապէս, պաղեստինցիները կրնան Հաագայի Միջազգային քրէական դատարան հայց ներկայացնել Իսրաէյլի պետութեան դէմ:

LEAVE A REPLY

Please enter your comment!
Please enter your name here