2013-ին Պիտի Մեկնարկէ Լեռնային Ղարաբաղի Շրջանները Համացանցային Կապով Ապահովելու Ծրագիրը

0
137

2013 թուականին պիտի մեկնարկէ Լեռնային Ղարաբաղի շրջանները ամբողջութեամբ համացանցային կապով ապահովելու ծրագիրը: Այս մասին «Ազատութիւն» ձայնասփիւռի կայանին յայտնած է Լեռնային Ղարաբաղի արտադրական ենթակառուցուածքներու նախարար Լեւոն Մնացականեան, որ ան նախապէս այդ մասին խօսած էր նաեւ Ազգային ժողովի մէջ տեղի ունեցած հարցուպատասխանի ժամանակ:

Այս պահի դրութեամբ որոշ շրջաններ արդէն ունին համացանցային կապ, սակայն նախարար Մնացականեան դժուարացած է նշելու, թէ Լեռնային Ղարաբաղի քանի տոկոսը ծածկուած է համացանցային կապով: Յայտնի է միայն, որ ըստ վիճակագրական տուեալներու` Լեռնային Ղարաբաղի համացանցի բաժանորդներու թիւը կը հասնի 10 հազարի:

«Այս աշխատանքները իրականացնելու արդիւնքով, որը նախատեսուած է 2013 թուականին, մօտ երկու եւ աւելի անգամ կ’աւելացուի ինտերնետ (համացանց) հոսքի մուտքը դէպի Ստեփանակերտ եւ շրջկեդրոններ, ինչպէս նաեւ գիւղական համայնքները հնարաւորութիւն կ’ունենան օգտուելու որակեալ կապից», – հաւաստիացուցած է արտադրական ենթակառուցուածնքներու նախարարը:

Ղարաբաղի համացնացի հիմնական մատակարարը 2002 թուականէն գործող «Ղարաբաղ Թելեքոմ»-ն է, որ նաեւ հեռախօսակապի միակ գործարկողն է: Ունենալով մենաշնորհ այս ոլորտին մէջ` ընկերութիւնը մշտապէս բողոքներու եւ դժգոհութիւններու թիրախ կը դառնայ: Այս ընկերութեան մատուցած ծառայութիւններու սակագիները պարբերաբար բողոքի ալիք կը բարձրացնէր Ղարաբաղի մէջ, մինչեւ որ երկու տարի առաջ սկսաւ նուազիլ մասնաւորապէս համացնացի ծառայութիւններու սակագիները:

Բոլորովին վերջերս 512/512 կպայթ/վրկ. արագութեամբ համացանց ունենալու համար, որուն գինը նախապէս կը կազմէր 7 399 դրամ, բաժանորդները այժմ կը վճարեն 3000 դրամ: Զգալի` 50-60 տոկոսով նուազած են գիները նաեւ աւելի բարձր արագութիւններու պարագային:

LEAVE A REPLY

Please enter your comment!
Please enter your name here