Այսօր Հայաստանը Ներկայացնող «Compass Band»-ը Ելոյթ Պիտի Ունենայ 8-րդ Թիւով

0
186

 Այսօր`Շաբաթ, Հոլանտայի մայրաքաղաք Ամսթերտամի մէջ պիտի կայանայ մանկական «Եւրոտեսիլ-2012» երգի միջազգային մրցոյթը:

Հայաստանը մրցոյթին պիտի ներկայացնէ «Compass Band» խումբը` «Sweetie baby» երգով: Հայաստանեան պատուիրակութիւնը Նոյեմբեր 26-էն կը գտնուի Ամսթերտամ:

Մրցոյթին պիտի մասնակցի 12 երկիր` Պելառուս, Շուէտ, Ատրպէյճան, Պելճիքա, Ռուսիա, Իսրայէլ, Ալպանիա, Հայաստան, Ուքրանիա, Վրաստան, Մոլտովա, Հոլանտա: Մրցոյթը տեղի պիտի ունենայ «Կոտրենք սառոյցը» կարգախօսին տակ:

«Compass Band»-ը հանդէս պիտի գայ 8-րդ թիւին տակ:

Մրցոյթի կանոնադրութեան համաձայն` դատական կազմի քուէարկութեան արդիւնքները 50/50 յարաբերակցութեամբ պիտի գումարուին Դեկտեմբեր 1-ի` հանդիսատեսի եւ sms քուէարկութեան:

Ի դէպ, Երեւանի Չեխովի անուան թիւ 55 դպրոցի որոշ աշակերտներ` տնօրէն Գայիանէ Սարուխանեանի գլխաւորութեամբ, նոյնպէս մեկնած են Ամսթերտամ` քաջալերելու մեր մասնակիցները:  Այս մասին կը հաղորդէ yerkir.am-ը:

Մանկական «Եւրոտեսիլ»-ը պիտի հեռարձակուի Հ1-ի ուղիղ եթերով` ժամը 23:15-ին:

 

LEAVE A REPLY

Please enter your comment!
Please enter your name here