Էրտողանի Մեղքով Իսթամպուլի Ժառանգութիւնը Սպառնալիքի Տակ Է. The Economist

0
141

 NEWS.am-ը որոշակի կրճատումներով կը ներկայացնէ «The Economist»-ի մէջ հրապարակուած հետեւեալ յօդուածը.

Թուրքիոյ առաջին իսլամական վարչապետ Նեճմեթին Էրպաքան, որ իշխանութեան եկած էր 1996-ին, խոստացած էր Իսթամպուլի գլխաւոր հրապարակին վրայ մզկիթ կառուցել: Թաքսիմ հրապարակը` Աթաթուրքի արձանով, կը մնայ իբրեւ աշխարհիկ պետութեան խորհրդանիշ` եւրոպական թաղամասի կենտրոնին մէջ: Էրպաքանն ալ տապալեցաւ մէկ տարի ետք:

Հիմա անոր յաջորդ Ռեճէպ Թայիփ Էրտողանը կ’իրականացնէ իր նախկին ուսուցիչին երազանքը: Բողոքի ցոյցեր եղան, որուն մասնակիցները զայն անուանեցին իսլամականներու «վրէժը» հանրապետութեան դէմ:

Ակնյայտ է նաեւ ըներային եւ մշակութային կառոյցներուն Էրտողանի կողմէ միջամտելու աճող ձգտումը: Անոր կոչերը ` քրէական պատասխանատուութեան ենթարկել ամուսնական դաւաճանութեան եւ վիժումներու համար, յետաձգուեցան: Սակայն անոր հրամանը` Կարս քաղաքէն կազմաքանդելու հայու եւ թուրքի  հսկայական արձանը, կատարուեցաւ:

Նոյնիսկ Էրտողանի ամենահաւատարիմ կողմնակիցները կասկածի կ’ենթարկեն Սթամպուլի ամենաբարձր բլուրին վրայ հսկայ մզկիթ կառուցելու անոր ծրագիրները:

ԵՈՒՆԵՍՔՕ-ն կրնայ չեղեալ համարել Իսթամպուլի համաշխարհային ժառանգութեան կարգավիճակը եւ զայն տեղափոխել «սպառնալիքի տակ գտնուողներու ցուցակ», քանի որ  կը կառուցուի կախովի կամուրջ Ոսկէ եղջիւր ծավախորշով: Կամուրջին աշտարակները արդէն կը ստուերեն 16-րդ դարու Սուլէյմանիէի մզկիթի ուրուագիծը, իսկ երկնաքերները արդէն կ’աղաւաղեն Կապոյտ մզկիթի պատկերը:

LEAVE A REPLY

Please enter your comment!
Please enter your name here