Ժոզէ Մանուէլ Պարոզօ Յարգանքի Տուրք Մատուցեց Հայոց Ցեղասպանութեան Զոհերու Յիշատակին

0
132

  Եւրոպական յանձնաժողովի նախագահ Ժոզէ Մանուէլ Պարոզօ քիչ առաջ ծաղիկներ դրաւ Օսմանեան Թուրքիոյ կողմէ իրականացուած Հայոց Ցեղասպանութեան անմեղ զոհերու յիշատակը յաւերժացնող անմար կրակին շուրջ: Ծիծեռնակաբերդի բարձունք անոր կ’ուղեկցէր ԳԱԱ Հայոց Ցեղասպանութեան թանգարան ինստիտուտի տնօրէն Հայկ Տեմոյեան: Այս մասին կը հաղորդէ panorama.am-ը:

Յիշեցնենք, որ Պարոզօ Երեւան կը գտնուի ՀՀ նախագահ Սերժ Սարգսեանի հրաւէրով: Երեւանի մէջ Եւրոպական յանձնաժողովի նախագահը կը մասնակցի Եւրոպական ժողովրդական կուսակցութեան Արեւելեան գործընկերութեան առաջնորդներու գագաթնաժողովին, հանդիպում կ’ունենայ քաղաքացիական հասարակութեան ներկայացուցիչներու հետ:

Նախատեսուած է, որ Եւրոպական յանձնաժողովի նախագահը հանդիպումներ ունենայ Հանրապետութեան բարձրագոյն ղեկավարութեան` Նախագահ Սերժ Սարգսեանի, Ազգային ժողովի նախագահ Յովիկ Աբրահամեանի, վարչապետ Տիգրան Սարգսեանի հետ: ՀՀ նախագահի հետ հանդիպմանն անդրադարձ պիտի ըլլայ երկուստէք հետաքրքրութիւն ներկայացնող հարցերի լայն շրջանակի, ներառեալ` Հայաստան-Եւրոմիութիւն համագործակցութեան օրակարգին, տարածաշրջանային հիմնախնդիրներուն: Նախագահ Սերժ Սարգսեան եւ Եւրոպական յանձնաժողովի նախագահ Ժոզէ Մանուէլ Պարոզօ բանակցութիւններու արդիւնքներով այսօր հանդէս պիտի գան համատեղ մամուլի ասուլիսով:

 

 

 

LEAVE A REPLY

Please enter your comment!
Please enter your name here