Հինգ Հայ Օդաչու Զոհուած Է Գոնկոյի Մէջ Օդանաւի Արկածի Մը Հետեւանքով

0
157

Գոնկոյի մէջ արկածի ենթարկուած ԻԼ-76 բեռնատար օդանաւի օդաչուները Հայաստանի Հանրապետութեան  քաղաքացիներ են: Քաղաքացիական օդագնացութեան գլխաւոր վարչութեան մամուլի քարտուղար Նելլի Չերչինեան «Արմենփրէս»-ին տեղեկացուցած է, որ նախնական տեղեկութիւններով` զոհուած են 7 հոգինոց անձնակազմի անդամները, որոնցմէ հինգը Հայաստանի քաղաքացիներ են: Անոնք պայմանագրային հիմունքներով կ’աշխատէին:

Trans Air Congo բեռնափոխադրող օդանաւային ընկերութեան վարձակալած օդանաւը նախնական վարկածով ջախջախուած  է  կայծակի պատճառով. օդանաւին թեւը ինկած է եւ ան զարնուած է բնակելի տուներուն: Նախնական տեղեկութիւններով` զոհուած է 30 մարդ, տուժած` 20: ԻԼ-76 օդանաւը մայրաքաղաք Պրազաւիլ կը մեկնէր  երկրի մեծութեամբ երկրորդ Փորթ Նուարա քաղաքէն: Աղէտէն անմիջապէս ետք Գոնկոյի Հանրապետութեան մայրաքաղաքի օդակայանը փակուած է: արկածի վայրին մէջ կ’աշխատին հրշէջներ, փրկարարներ եւ ոստիկանութիւնը:

LEAVE A REPLY

Please enter your comment!
Please enter your name here