Աշխարհի Լաւագոյն Աստղագէտները 2013-ին Հայաստան Պիտի Հաւաքուին

0
151

  Միջազգային աստղագիտական միութեան “Աշխոյժ ծիրկաթինային միջուկներու բազմալիքային շրջահայութիւններ եւ ուսումնասիրութիւններ” թեմայով պաշտօնական գիտաժողովը` նուիրուած հայ մեծ աստղագէտ Բենիամին Մարգարեանի 100-ամեակին, տեղի պիտի ունենայ Հայաստանի մէջ  7-11 Հոկտեմբեր 2013-ին: Այս մասին կը տեղեկացնեն Հայկական աստղագիտական ընկերութենէն: 

Գիտաժողովին առիթով Դեկտեմբեր 1-ին արդէն տարածուած է առաջին ազդագիրը, որուն իբրեւ արդիւնք ապագայ մասնակիցները պիտի արձանագրուին եւ ներկայացնեն իրենց աշխատանքերը` գիտաժողովի կազմակերպիչ կոմիտէին կողմէ քննարկուելու եւ ընդունուելու համար: 

Կ’ակնկալուի, որ շուրջ 200 մասնակից աշխարհի տարբեր ծայրերէն պիտի ժամանէ Հայաստան: Գիտական կազմակերպիչ կոմիտէին մէջ ընդգրկուած է ԱՄՆ-ի, Ճաբոնի, Մեծ Բրիտանիոյ, Գերմանիոյ, Ֆրանսայի, Իտալիոյ, Իռլանտայի, Աւստրալիոյ, Արժանթինի եւ Հայաստանի 18 աստղագէտ: Հրաւիրուած զեկուցողներէն 38-ը արդէն հաստատած են իրենց մասնակցութիւնը:

Հայաստանի մէջ նման գիտաժողովներ իրականացած են 1966, 1986, 1989 եւ 1998-ին. (ինչպէս նաեւ ՄԱՄ-ի մէկ հանդիպում 2001-ին, որ գիտաժողովներէն կը տարբերի մասնակիցներու քիչ քանակով), եւ 2013-ին իրականացուելիք գիտաժողովը պիտի ըլլայ 5-րդը:

 

LEAVE A REPLY

Please enter your comment!
Please enter your name here