Թուրքիա Վախի Կայսրութիւն է. Իրաւապաշտպան Կազմակերպութիւն

0
147

Թուրքիա վախի կայսրութիւնն է, յայտարարած է Թուրքիոյ մէջ գործող «Մարդու իրաւունքներու պաշտպանութիւն» ընկերութեան Ամիտ (Տիարպեքիր) մասնաճիւղի ղեկավար Ռաճի Պիլիճին: Այս մասին, ըստ Civilnet.am-ի, յայտնած է քրտական Firat գործակալութիւնը:

Անոր խօսքով` միայն Նոյեմբերին Թուրքիոյ մէջ ձերբակալուած է աւելի քան հազար մարդ, ներառեալ` 230 երեխայ, անչափահաս եւ 300 ուսանող: Ըստ Պիլիճիի` աննախադէպ չափերու հասած ձերբակալութիւնները ուղղուած են ընդդիմադիր ուժերու, մասնաւորապէս` քիւրտերու դէմ:

Պիլիճին ըսած է, որ միայն Նոյեմբեր 2-ին ձերբակալուած է 142, իսկ Նոյեմբեր 13-ին` 104 ուսանող:

«Մարդու իրաւունքներու պաշտպանութիւն» ընկերութեան տուեալներուն համաձայն` 2012-ին քաղաքական դրդապատճառներով 12,6 հազար անձ յայտնուած է բանտի մէջ:

Միաժամանակ` Պիլիճի «Արդարութիւն եւ բարգաւաճում» կուսակցութեան կոչ ուղղած է չշարունակելու այս քաղաքականութիւնը, «քանի որ վախցնելով հնարաւոր չէ երկար կառավարել»:

 

LEAVE A REPLY

Please enter your comment!
Please enter your name here