Իրանի Մէջ Կրօնական Փոքրամասնութիւնները Հաւասար Իրաւունքներ Ունին. ԻԻՀ Մեճլիսի Հայ Պատգամաւոր

0
198

  Իրանի մէջ կրօնական փոքրամասնութիւններու ներկայացուցիչները ունին հաւասար իրաւունքներ: Այս մասին` ըստ Panorama.am-ի` Իրանի պաշտօնական «ԻՌՆԱ» լրատուական գործակալութեան տուած հարցազրոյցին ըսած է ԻԻՀ Մեճլիսի հայ պատգամաւոր Կարէն Խանլարեան:

Հայ պատգամաւորը, անդրադառնալով Իրանի կրօնական փոքրամասնութիւններու իրաւունքներուն, մասնաւորապէս նշած է. «ԻԻՀ Սահմանադրութեան համաձայն` կրօնական փոքրամասնութիւնները ունին հաւասար իրաւունքներ: Մեճլիսի մէջ  կրօնական փոքրամասնութիւնները ներկայացուած են իրենց պատգամաւորներով, որոնք միւս պատգամաւորներուն նման ունին օրէնսդրական հաւասար իրաւունքներ»:

Յիշեցնենք, որ ՀՀ-ի մէջ ԻԻՀ դեսպան Մոհամմատ Ռաիսի, օրերս Մատենադարանի մէջ, «Երկու ազգ, երկու մշակոյթ եւ երկու կրօն» խորագիրը կրող համաժողովին ընթացքին, անդրադառնալով հայ-իրանական յարաբերութիւններուն, մասնաւորապէս նշած էր. «Հայերն ու իրանցիները պատմութեան ընթացքին ապացուցած են, որ աստուածային երկու կրօններու` քրիստոնէութեան եւ իսլամի, հետեւորդ երկու ժողովուրդները կատարեալ խաղաղութեան եւ հանգստութեան պայմաններու մէջ խաղաղ ապրած են իրար կողքի: Ներկայիս ԻԻՀ Մեճլիսի մէջ իրանահայերը ներկայացուած են հիւսիսային իրանահայութեան (Թեհրան) եւ հարաւային իրանահայութեան (Իսֆահան) երկու պատգամաւորով»:

 

LEAVE A REPLY

Please enter your comment!
Please enter your name here