Նախագահ Սերժ Սարգսեան Աշխատանքային Այցով Թուրքմենիստան Պիտի Մեկնի

0
192

   ՀՀ նախագահ Սերժ Սարգսեան վաղը՝ Երեքշաբթի, աշխատանքային այցով պիտի մեկնի Թուրքմենիստան` մասնակցելու Աշխապատի մէջ Դեկտեմբեր 5-ին կայանալիք ԱՊՀ անդամ պետութիւններու ղեկավարներու խորհուրդի հերթական նիստին: Այս մասին կը յայտնեն ՀՀ նախագահի մամուլի գրասենեակէն:

Թուրքմենիստան պիտի մեկնի նաեւ արտաքին գործոց նախարար Էտուարտ Նալպանտեան:

Յիշեցնենք, որ Նոյեմբեր 29-ին նախագահ Սերժ Սարգսեանի հրաւէրով Երեւան կը գտնուէր Թուրքմենիտանի նախագահ Կուրպանկուլի Պերտիմուհամետովի գլխաւորած պատուիրակութիւնը:

Հայաստանի Հանրապետութեան նախագահ Սերժ Սարգսեան եւ Թուրքմենիստանի նախագահ Կուրպանկուլի Պերտիմուհամետովը ստորագրած են համատեղ յայտարարութիւն: Ստորագրուած են նաեւ «Հայաստանի Հանրապետութեան կառավարութեան եւ Թուրքմենիստանի կառավարութեան միջեւ Թուրքմենիստանի մէջ ՀՀ դեսպանութեան եւ ՀՀ-ի մէջ Թուրքմենիստանի դեսպանութեան տեղակայման համար հողատարածքներու փոխադարձ տրամադրման մասին համաձայնագիր», «Հայաստանի Հանրապետութեան կառավարութեան եւ Թուրքմենիստանի կառավարութեան միջեւ օդային հաղորդակցութեան մասին համաձայնագիր», «Հայաստանի Հանրապետութեան կառավարութեան եւ Թուրքմենիստանի կառավարութեան միջեւ ճարտարագիտական համագործակցութեան համաձայնագիր», «Հայաստանի Հանրապետութեան կառավարութեան եւ Թուրքմենիստանի կառավարութեան միջեւ երկրաշարժի պաշտպանութեան ոլորտին մէջ համագործակցութեան մասին համաձայնագիր», «Հայաստանի Հանրապետութեան կառավարութեան եւ Թուրքմենիստանի կառավարութեան միջեւ անասնաբուժութեան ոլորտին մէջ համագործակցութեան մասին համաձայնագիր» եւ «ՀՀ գիւղատնտեսութեան նախարարութեան եւ Թուրքմենիստանի գիւղատնտեսութեան նախարարութեան միջեւ գիւղատնտեսութեան ոլորտին մէջ համագործակցութեան մասին համաձայնագիր:

LEAVE A REPLY

Please enter your comment!
Please enter your name here