Հրանդ Տինք Գերմանիոյ Մէջ Արժանացած Է Յետմահու Մրցանակի

0
128

 Գերմանիոյ «Շոնտորֆ Փալմ» հիմնադրամը Հրանդ Դինքին յետմահու շնորհած է «Եոհան Ֆիլիփ Փալմի անուան մամուլի եւ մտքի ազատութեան» մրցանակը: Ինչպէս կը հաղորդէ «Արմենփրէս»-ը, այս մասին կը տեղեկացնէ թրքական «Հուրիէթ» պարբերականը:

Մրցանակի յանձնման արարողութեան ներկայ գտնուած է Հրանդ Տինքի կինը` Ռաքէլ Տինքը, որ յայտարարած է, թէ իր ամուսինը երբեք մտադրութիւն չէ ունեցած բողոքել Թուրքիոյ դէմ:

«Հրանդի միակ ցանկութիւնն այն էր, որ Թուրքիան եւ թուրք ժողովուրդը ազատին 1915 թուականի ցեղասպանութեան վէրքէն: Ան գրած եւ խօսած է միայն ճշմարտութեան մասին: Ան կը պայքարէր թուրք ժողովրդը անգրագիտութեան ճահիճէն փրկելու համար: Ատոր համար վճարեց սեփական կեանքով»,- յայտարարած է Ռաքէլ Տինք:

«Եոհան Ֆիլիփ Փալմի անուան մամուլի եւ մտքի ազատութեան» մրցանակը կը տրուի երկու տարին անգամ մը: Եոհան Ֆիլիփ Փալմը 1806 թուականին դատապարտուած է մահուան ֆրանսական վարչակարգը քննադատելու պատճառով:

 

LEAVE A REPLY

Please enter your comment!
Please enter your name here