Սուրիոյ Բանակը Կը Յառաջդիմէ Հոմսի Եւ Հալէպի Մէջ

0
167

 Սուրիական բանակի աղբիւրներ հաղորդեցին, թէ Երկուշաբթի, Դեկտեմբեր 3ին, սուրիական ուժերը կրցած են ներխուժել Հալէպի հիւսիսային Պուսթան Պաշա շրջանէն ներս, որ ապստամբներու հակակշիռին տակ կը գտնուէր՝ գրաւելով անոր կեդրոնական հրապարակը: Սուրիական բանակի յարձակումը սկսած է Նոր Գիւղէն:
Նոյն օրը, բանակը հաղորդեց, թէ վերագրաւած է նաեւ Հոմսի մէջ ընդդիմութեան հակակշիռին տակ գտնուող կարգ մը թաղամասեր՝ սպաննելով մօտաւորապէս 40 զինեալներ, մինչ նոյն քաղաքի այլ շրջանի մը մէջ, որ բանակի հսկողութեան տակ կը գտնուի, ականուած երկու ինքնաշարժներու պայթումով սպաննուած են 15 քաղաքայիններ:
Բանակը նաեւ ծանրօրէն ռմբակոծած է Դամասկոսի արուարձանները ու Թուրքիոյ սահմանին մօտերը գտնուող ընդդիմութեան դիրքերը:
Միւս կողմէ, Միացեալ Նահանգներու պետական քարտուղար  Հիլարի Գլինթըն դարձեալ սպառնաց Սուրիոյ, որ չօգտագործէ քիմիական զէնքեր :
Վերջապէս, ՄԱԿ-ը յայտարարեց, թէ Սուրիայէն հեռանալու կոչ ըրած է իր «ոչ կենսական» անձնակազմին:

 

LEAVE A REPLY

Please enter your comment!
Please enter your name here