Փութին Առաջարկ Մը Ներկայացուցած Է Սուրիոյ Հարցով Իսթանպուլի Մէջ

0
146

Ռուսիոյ նախագահ Վլատիմիր Փութին, որ Ռուսաստան-Թուրքիա Բարձր մակարդակի համագործակցութեան 3-րդ խորհրդաժողովին մասնակցելու համար մէկօրեայ աշխատանքային այցով Իթանպուլ մեկնած էր, հանդէս եկած է Սուրիոյ ճգնաժամի լուծման նոր գաղափարներով:

Ինչպէս կը հաղորդէ «Արմենփրէս»-ը` վկայակոչելով թրքական լրատուամիջոցները, Ռ Դ նախագահը կտրականապէս դէմ արտայայտուած է Սուրիայէն ենթադրեալ միջուկային յարձակումէ պատշպանուելու նպատակով թուրք-սուրիական սահմանին ՆԱԹՕ-ի Patriot հակաօդային պաշտպանութեան հրթիռներ տեղակայելու Անգարայի պահանջին: Ան զարմացած է Թուրքիոյ վարչապետ Ռեճէպ Թայիպ Էրտողանի հետ հանդիպումէն ետք համատեղ կազմակերպուած մամուլի ասուլիսի ժամանակ թուրք լրագրողի մը այն հարցումին, թէ ի՞նչ պէտք է ընէ միջազգային հանրութիւնը, եթէ Սուրիան միջուկային զէնք օգտագործէ: «Նախ Սուրիան որեւէ տեսակի միջուկային զէնք չունի եւ չի կրնար ունենալ, որովհետեւ այդ երկիրը միջուկային երկիր չէ: Իսկ ինչ կը վերաբերի Patriot-ներուն, ապա անոնց տեղակայումը Թուրքիոյ մէջ աւելի պիտի լարէ իրավիճակը տարածաշրջանին մէջ, որովհետեւ անոնք կրնան երբեւէ նաեւ օդ արձակուիլ: Սուրիոյ ճգնաժամի կարգաւորման հարցով ես հանդէս եկած եմ նոր գաղափարներով, որոնք քննարկած եմ վարչապետ Էրտողանի հետ: Քննարկումները պիտի շարունակենք նաեւ միջազգային հանրութեան հետ», -ըսած է Ռ Դ նախագահը:

Թրքական լրատուամիջոցները կը յայտնեն, որ Փութինի Իսթանպուլ կատարած այցի ընթացքին երկու երկիրներու միջեւ տնտեսական եւ առեւտրային բանագաւռներու մէջ տասէ աւելի փաստաթուղթեր ստորագրուած են:

LEAVE A REPLY

Please enter your comment!
Please enter your name here