Դանիացի Մտաւորականները Կը Բողոքեն Հայոց Ցեղասպանութեան Ճանաչման Դէմ Թուրքիոյ Քայլերուն

0
110

 Դեկտեմբեր 4-ին Քոփենհակընի մէջ լոյս տեսած է Դանիական Berlinske օրաթերթի թղթակից  Սիմոն Բենթսընի (Simon Bentsen)  յօդուածը, որ դարձած է Դանիոյ հասարակակական-քաղաքական շրջանակներու կողմէ ամենաքննարկուող նիւթը: Անոր շուրջ  քննարկումներ ծաւալեցան դանիական  լրատուական պարբերականներու, ելեկտրոնային լրատուամիջոցներու մէջ,  ձայնասփիւռէն եւ հեռուստատեսութենէն: Այս մասին կը յայտնէ news.am-ը:

Յօդուածին մէջ  լրագրողը  ներկայացուցած էր «Հայոց ցեղասպանութիւնը եւ սկանտինաւեան արձագանգը» խորագիրով ժամանակաւոր ցուցադրութեան բացման ընթացքին հնչեցուցած, Դանիոյ մօտ Թուրքիոյ դեսպանութեան կողմէ Քոփենհակընի Թագաւորական գրադարանի ստացած առաջարկը ` իրականացնելու ցուցադրութիւն «Այսպէս կոչուած Հայոց ցեղասպանութիւնը» անուանումով:

Յօդուածին մէջ մէջբերուած են «Ժողովրդական կուսակցութեան» արտաքին հարցերով խօսնակ Սորէն Էսփերսենի կարծիքը, ըստ որու,  ատիկա նոյնն է, ինչ որ նէոնացիստները կը կազմակերպեն ցուցահանդէս Հոլոքոսթի մասին:

Դանիացի նշանաւոր պատմաբան, ցեղասպանագէտ Մաթիաս Բէոնելունտը  նիւթին մէջ ակնարկած է, որ եթէ թոյլատրուի Թուրքիոյ Դեսպանութեան նախաձեռնութիւնը, Քոփենհակընի Թագաւորական գրադարանին մէջ, ան իբրեւ գիտական հաստատութիւն կը հաւասարեցնէ պատմութեան մէջ այդ երկու երկիրներու դիրքը: Հայոց ցեղասպանութիւնը իրականութիւն է, եւ անոր մասին որեւէ այլ մեկնաբանութիւն գիտական չէ:

Յօդուածին մէջ  մէջբերուած է նաեւ Դանիոյ մէջ ՀՀ դեսպան Հրաչեայ Աղաջանեանի խօսքը, ուր ան յոյս կը յայտնէ, որ Քոփենհակընի Թագաւորական գրադարանը տեղի չէ տար Թուրքիոյ դեսպանութեան հնարաւոր ճնշումներուն եւ չի կազմակերպեր նման անուանումով որեւէ ձեռնարկ:

Ըստ մամուլի հրապարակումներուն, Դանիոյ ամենամեծ ընդիմադիր Venstre (ազատական) կուսակցութիւնը պահանջած է երկրի Մշակոյթի նախարարէն թոյլ չտալ Քոփենհակընի Թագաւորական Գրադարանին մէջ իրականացնել այդպիսի ձեռնարկ`Թուրքիոյ դեսպանութեան կողմէ:

 

LEAVE A REPLY

Please enter your comment!
Please enter your name here