Թրիփոլիի Մէջ Նոր Բախումներ՝ Զոհեր Եւ Վիրաւորներ

0
151

  Լիբանանի հիւսիսային Թրիփոլի քաղաքին Պապ ալ Թեպենէ եւ Ճեպէլ Մուհսէն թաղամասերու միջեւ  բախումները վերսկսան:  Լիբանանեան բանակը կը փորձէ այդ թաղամասերուն մէջ վերահսկել իրավիճակը եւ վերականգնել  անվտանգութիւնը:

Բախումները երկու թաղամասի բնակիչներու միջեւ տեղի ունեցած էին նաեւ գիշերուան ընթացքին, լսուած են պայթումներու ձայներ: Բախումներու հետեւանքով ցարդ  զոհուած է չորս մարդ: Վիրաւորներուն թիւը  անցած  է   քառասունը:

Թրիփոլիի մէջ շատ մը համալսարաններ եւ դպրոցներ լարուած դրութեան պատճառով կը մնան փակ են:

Ճեպէլ  Մուհսէն թաղամասը հիմնականօրէն բնակուած է ալաուիներով, որոնք Սուրիոյ նախագահ Պաշշար Ասատի կողմնակիցներ են:  Թեպենէի բնակիչները՝ սիւննիներ, որոնք  յարած են Սուրիոյ ընդդիմադիրներուն:

Թրիփոլիի  քաղաքական, հոգեւոր  ներկայացուցիչները կը փորձեն   զինադադար  գոյացնել կողմերուն միջեւ: 

 

LEAVE A REPLY

Please enter your comment!
Please enter your name here