Հայաստանը ՊայմաններԿը Ստեղծէ Ներգաղթող Հայրենակիցներուն Համար. The Wall Street Journal

0
180

  Սուրիական ճգնաժամը, որ արդէն իսկ փախստականներու հետ կապուած լուրջ խնդիրներ  յառաջացուցած է դրացի երկիրներուն՝ Թուրքիոյ, Յորդանանի եւ Լիբանանի համար, իր ազդեցութիւնը կ’ ունենայ նաեւ հարիւրաւոր քիլոմեթր հեռաւորութեան վրայ գտնուող քրիստոնեայ Հայաստանի վրայ:

Ինչպէս կը հաղորդէ«Արմենփրէս»-ը, այսպէս կը սկսի The Wall Street Journal սուրիահայութեան խնդիրներուն նուիրուած իր յօդուածը: «Շուրջ 100 հազար հայեր Սուրիան իրենց տունը կը համարեն, իսկ վերջին քանի մը ամիսներու ընթացքին արդէն մօտ 6000 հայեր վերադարձած են Հայաստան, սակայն հնարաւոր է, որ անոնց թիւը յառաջիկային շատ աւելի մեծնայ,- կը գրէ թերթը:

The Wall Street Journal-ը կը մէջբերէ ՀՀ սփիւռքի նախարար Հրանոյշ Յակոբեանին, որ թէեւ ընդգծած է, որ Հայաստանը բոլոր հայերուն հայրենիքն է եւ պատրաստ է հիւրընկալելու բոլորը, սակայն միաժամանակ մտահոգութիւն յայտնած է փախստականներուն աշխատատեղերով ապահովելու խնդրի առնչութեամբ: «Մեր երկիրը ամենալաւ տնտեսական վիճակի մէջ չէ հիմա»,- նշած է նախարարը: Թերթը կ’ընդգծէ, որ Հայաստանը պայմաններ կը ստեղծէ դժուարութեան մէջ յայտնուած իր հայրենակիցները ընդունելու համար, մասնաւորապէս սուրիահայերուն վիզաներ կը տրամադրուին սահմանին, ճանչցուած են սուրիական վարորդական իրաւունքները, դպրոցներ բացուած են սուրիահայ երեխաներու համար:

«Սուրական ընդդիմութեան ներկայացուցած այն պատմութիւնները, թէ թշնամանքը միակողմանի է` միայն Ասատի կառավարութեան կողմէ, այստեղ` Երեւանի մէջ, կը հերքուին: Հայ գաղթականները իրենց աջակցութեան ձայնը կը բարձրացնեն` ի պաշտպանութիւն Դամասկոսի»,- կը նշէ The Wall Street Journal-ը:

Թերթը նաեւ կը շեշտէ, որ Սուրիոյ հայ համայնքը ձեւաւորուած է Օսմանեան կայսրութեան մէջ 1915-ին իրականացուած Հայոց ցեղասպանութեան հետեւանքով:

 

 

LEAVE A REPLY

Please enter your comment!
Please enter your name here