«Սասնայ Ծռեր» էպոսը Ճանչցուեցաւ Իբրեւ ԵՈՒՆԵՍՔՕ-ի Ոչ Նիւթական Ժառանգութիւն

0
164

 «Սասնայ ծռեր» էպոսը ընդգրկուեցաւ ԵՈՒՆԵՍՔՕ-ի ոչ նիւթական ժառանգութիւններու ցուցակին մէջ:

Որոշումը ընդունուեցաւ ԵՈՒՆԵՍՔՕ-ի Փարիզի կեդրոնավայրին մէջ, ուր տեղի կ’ունենայ ոչ նիւթական մշակոյթի պահպանման նուիրուած միջկառավարական խորհուրդի  7-րդ նիստը:

Այս առնչութեամբ Հայաստանէն Փարիզ մեկնած են ԵՈՒՆԵՍՔՕ-ի հարցերով ազգային յանձնաժողովի առաջին քարտուղար Քրիստինէ Մեհրապեկեան եւ ՀՀ մշակոյթի նախարարի տեղակալ Արեւ Սամուէլեան:

20 Մարտ 2006-ին ՀՀ Ազգային ժողովը վաւերացուցած է 17 Հոկտեմբեր 2003-ին Փարիզի մէջ ստորագրուած ԵՈՒՆԵՍՔՕ-ի «Ոչ նիւթական մշակութային ժառանգութեան պաշտպանութեան մասին» համաձայնագիրը: Վերոնշեալ համաձայնագիրով կը նախատեսուի, որ մասնակից պետութիւնները պէտք է անհրաժեշտ քայլեր ձեռնարկեն ոչ նիւթական մշակութային ժառանգութեան պահպանութեան ուղղութեամբ, ինչպէս նաեւ ընդունին անհրաժեշտ իրաւական օրէնքներ:

LEAVE A REPLY

Please enter your comment!
Please enter your name here