ԱՐԱՄ Ա. ԿԱԹՈՂԻԿՈՍ ԻՐ ՑԱՒԱԿՑՈՒԹԻՒՆԸ ԿԸ ՅԱՅՏՆԷ ՀԱԶԻՄ ՊԱՏՐԻԱՐՔԻ ՎԱԽՃԱՆՄԱՆ ԱՌԻԹՈՎ

0
111

Հինգշաբթի 6 Դեկտեմբեր 2012-ի առաւօտուն, անմիջապէս որ իմացաւ Անտիոքի յոյն ուղղափառ եկեղեցւոյ Իգնատիոս Դ. Հազիմ Պատրիարքի վախճանման լուրը, Ն.Ս.Օ.Տ.Տ. Արամ Ա. Կաթողիկոս հեռաձայնային կապ հաստատելով Պէյրութի յոյն ուղղափառ համայնքի Առաջնորդ Աուտէ Արքեպիսկոպոսին հետ, իր ցաւակցութիւնը յայտնեց ու նաեւ իր ճամբով` յոյն ուղղափառ եկեղեցւոյ հոգեւոր դասուն եւ ժողովուրդին:

Յայտնենք, որ Վեհափառ Հայրապետը մօտէն ծանօթ է Հազիմ Պատրիարքին 1970-էն սկսեալ: Անոնք մօտէն գործակցած են միջ-եկեղեցական շարժումին մէջ, յատկապէս Եկեղեցիներու Համաշխարհային Խորհուրդի եւ Միջին Արեւելքի Եկեղեցիներու Խորհուրդի շրջագիծէն ներս: Անկախ այս բոլորէն, Մեծի Տանն Կիլիկիոյ Կաթողիկոսութեան ու Անտիոքի յոյն ուղղափառ Պատրիարքութեան միջեւ սերտ յարաբերութիւն ու գործակցութիւն եղած է միշտ: Վեհափառ Հայրապետը անձամբ ներկայ պիտի ըլլայ Հազիմ Պատրիարքի յուղարկաւորութեան, Կիրակի օր:

 

LEAVE A REPLY

Please enter your comment!
Please enter your name here