Գերմանիան Պայման Կը Դնէ Թուրքիոյ ԵՄ Անդամակցութեան Առջեւ

0
156

Գերմանիոյ Դաշնային խորհրդարանի իշխող Քրիստոնեայ դեմոկրատական եւ Քրիստոնեայ ընկերային կուսակցութիւններու (CDU/CSU) խմբակցութեան նախագահ Վոլքեր Կաուտեր CDU կուսակցութեան համագումարի ընթացքին յայտարարած է, որ Թուրքիոյ` Եւրոմիութեան անդամակցութեան բանակցութիւններուն մէջ նոր էջ բանալու համար պայմանը այն է, թէ ինչ քայլեր պիտի կատարէ այդ երկիրը կրօնի ազատութեան ուղղութեամբ: Այս մասին կը հաղորդէ «Արմենփրէս»-ը, վկայակոչելով թրքական «Հիւրիէթ» թերթը:

Քաուտեր իր ելոյթի ընթացքին ըսած է, որ ԵՄ-ին լիիրաւ անդամակցիլ ցանկացող Թուրքիան կրօնական ազատութիւններու տեսակէտէն դեռ լուրջ թերութիւններ ունի: «Ինչպէս մահմետականները Գերմանիոյ մէջ մզկիթներ կրնան կառուցել, այնպէս ալ քրիստոնեաները Թուրքիոյ մէջ եկեղեցիներ կառուցելու հարցով խոչընդոտներու պէտք չէ հանդիպին: Մինչեւ Թուրքիոյ մէջ կրօնի ազատութիւնը չապահովուի, օրակարգի մէջ նոր խորագիր բանալու հարց չի կրնար դրուիլ», -ըսած է դեմոկրատ պատգամաւորը:

 

LEAVE A REPLY

Please enter your comment!
Please enter your name here