Հայաստանի Մէջ` Վերատադրողական Առողջութեան Յառաջընթաց

0
142

 ՄԱԿ-ի Բնակչութեան հիմնադրամի Հայաստանի մէջ իրականացուած ծրագիրներու միջոցով վերատադրողական առողջութեան եւ ժողովրդագրութեան ոլորտին մէջ ունեցած յառաջընթացը զգալի է: Այս մասին կը հաղորդէ Armenpress.am-ը:

Աղբիւրին համաձայն ՄԱԿ-ի բնակչութեան հիմնադրամի հայաստանեան գրասենեակի գործադիր ներկայացուցիչ Գագիկ Հայրապետեան ըսած է,-«մենք շարունակելու ենք մեր ծրագրերը բոլոր` առողջութեան բարելաւման, ազգագրութեան, ժողովրդագրութեան, միգրացիայի, ծերացման եւ այլ ուղղութիւններով՚: Անոր խօսքով` ՄԱԿ-ի Բնակչութեան հիմնադրամը միջազգային զարգացման գործակալութիւն է, որ կը սատարէ իւրաքանչիւր տղամարդու, կնոջ եւ երեխայի` առողջ կեանք վարելու եւ հաւասար հնարաւորութիւններ ունենալու իրաւունքը:

Հայրապետեանի գնահատմամբ` կառոյցը կ’օգնէ օգտագործելու բնակչութեան վերաբերեալ տուեալները վերջիններուս քաղաքականութիւններու եւ ծրագիրներու մէջ`աղքատութեան կրճատման, ինչպէս նաեւ ապահովելու համար, որ իւրաքանչիւր յղիութիւն ըլլայ ցանկալի, իւրաքանչիւր ծնունդ` անվտանգ, իւրաքանչիւր երիտասարդ զերծ ըլլայ Միաւ-էն( Էյտզ)  եւ իւրաքանչիւր աղջիկ ու կին արժանանայ յարգալից եւ արժանապատիւ վերաբերումի: «Մենք կ’աջակցենք ՀՀ կառավարութեանը Հայաստանի Հանրապետութեան ժողովրդագրական քաղաքականութեան ռազմավարութեան եւ դրա իրականացման հարցում: Ներկայացուած ռազմավարութիւնը նախատեսուած է 2009-2035 թուականների համար ՚,- աւելցուց գրասենեակի գործադիր ներկայացուցիչը:

ՄԱԿ-ի Բնակչութեան հիմնադրամը Հայաստանի մէջ իր աշխատանքները սկսած է 1999 թուականին:

 

LEAVE A REPLY

Please enter your comment!
Please enter your name here