Հայ Ժողովուրդը Արցախի Սուրբ Հողին Վրայ Ստեղծած Է Ազատութեան Եւ Հաւատքի Շփման Գիծ. Պարոնուհի Քոքս

0
104

Ամերիկայի արեւելեան շրջանի Հայ Դատի յանձնախումբի (ANCA-ER) 6-րդ ամենամեայ ճաշկերոյթի ժամանակ հայագիտութեան դոկտոր Ռիչըրտ Յովհաննիսեան եւ Արցախի ճանաչման մեծ ջատագով պարոնուհի Քերոլայն Քոքս արժանացած են կազմակերպութեան բարձրագոյն մրցանակներուն:

«Արմենփրէս»-ի հաղորդումով՝ յոտնկայս ծափահարութիւններու տակ բեմահարթակ բարձրացած է պարոնուհի Քոքս եւ ջերմօրէն ողջունած ներկաները: Վերջինս հիւրերուն ներկայացուցած է Լեռնային Ղարաբաղ կատարած իր ճանապարհորդութեան ժամանակ կատարած լուսանկարները եւ ոգեշնչող խօսքեր արտայայտած ապագայի վերաբերեալ:

  «Բրիտանական խորհրդարանին մէջ ելոյթ ունենալ կը նշանակէ խօսիլ բոլոր անոնց անունէն, որոնք չունին այդ հնարաւորութիւնը: Կը ցանկանայի շնորհակալութիւնս յայտնել հայ ժողովուրդին, որ Արցախի այդ սուրբ հողին մէջ ստեղծած է ազատութեան եւ հաւատի շփման գիծ: Մենք, որ կ’ապրինք ազատութեան մէջ, որ կը կոչենք մեզ քրիստոնեաներ, պարտական ենք ձեզի այդ շփման գիծը պահելու համար: Խորին շնորհակալութիւնս կը յայտնեն ձեզի»,-ըսած է Քոքս:

Երեկոյի յայտնի հիւրերու շարքի էր նաեւ Նիւ Ճըրսիէն ընտրուած ԱՄՆ գոնկրէսական Ֆրանք Փալոն, որ բարձր գնահատած է ANCA-ի ջանքերը եւ դոկտոր Յովհաննիսեանին ու պարոնուհի Քոքսին շնորհած «Համայնքային ծառայութեան» մրցանակ: «ANCA-ի լաւագոյն կողմերէն մէկը կառոյցի բազմազան ծրագիրներ են եւ այն, թէ ինչպէս կը կրթեն եւ աշխոյժ մասնակցութեան մէջ կը ներգրաւեն երտասարդները»,- ըսած է Փալոն: Իբրեւ Ներկայացուցիչներու պալատի մէջ  Հայկական յանձնախումբի հիմնադիր եւ համանախագահ` ան նշած է, որ մեծ է ANCA-ի ներդրումը հայկական համայնքի գործունէութեան մէջ:

Ռիչըրտ Յովհաննիսեան գիտնականներու առաջին սերունդի ներկայացուցիչներէն է, որ ձեւաւորած է հայագիտութեանն հարթակը ԱՄՆ-ի մէջ` 1969 թուականին դառնալով ժամանակակից հայագիտութեան առաջին փրոֆեսորը ԱՄՆ-ի մէջ: Յովհաննիսեան արժանացած է «Վահան Քարտաշեան» հեղիանակաւոր մրցանակին: Հայ ժողովուրդին ցուցաբերած իր անսահման աջակցութեան եւ Մարդու իրաւունքներուն նուիրուածութեան համար պարոնուհի Քոքս արժանացած է ANCA-ի Ազատութեան մրցանակին:

Պարոնուհին Հայաստան եւ Լեռնային Ղարաբաղ այցելած է 78 անգամ: Այցելութիւններու զգալի մասը 1990-ականներու սկզիը եղած է` Ատրպէյճանի դէմ պատերազմի տարիներուն: 2013 թուականին ծրագրաւորած է եւս երկու այցելութիւն:

 

LEAVE A REPLY

Please enter your comment!
Please enter your name here