Ինը Տարուայ Անպտղութենէ Ետք՝ Գիւմրեցի Կինը Եռեակ Ծննդաբերած է

0
123

Ինը տարուայ անպտղութենէ ետք 27-ամեայ Թերմինէ Ղեւոնդեանը այսօր` Դեկտեմբեր 7-ին, «Մօր եւ Մանկան՚ առողջութեան պահպանման գիտահետազօտական կեդրոնի մէջ երեք նորածիններ լոյս աշխարհ բերաւ:

 Թերմինէ   ծնաւ երկու մանչ, մէկ աղջիկ: Աղջկան կշիռքը 1 քկ 430 կ է, տղաներէն մէկը` 1 քկ 630կ, միւսինը` 1քկ 530 կրամ: Գիւմրեցի ծնողները որոշած են տղաներէն մէկը անուանել Գրիգոր, միւսը` Արկադի, իսկ դուստրը` Լիլիա: Կինը մայրացած էր  արտամարմնային բեղմնաւորման ճանապարհով:

Եռեակի հայրը`35-ամեայ Ժիրայր Գալստեանն է, որ զինուորական է: Ան յայտնած է, որ շատ ուրախացած է, որ 35 տարեկանին հայր դարձած, ան ալ` երեք երեխաներու: Անոր համար անակնկալ էր եռեակի  հայր  դառնալը: «Աշխատելու եմ առաջին հերթին լինել լաւ հայր, իսկ թէ ոնց կը պահեմ` Աստուած գիտի՚,- ըսաւ ան` աւելցնելով, որ տակաւին  չէ տեսած իր կինն ու երեխաները:

 

LEAVE A REPLY

Please enter your comment!
Please enter your name here