Հայաստանի ու Ատրպէյճանի ԱԳ Նախարարները Պիտի Հանդիպին 2013-ի Սկիզբը

0
179

  Տապլինի մէջ Հայաստանի ԱԳ նախարար Էտուարտ Նալպանտեանի առաջին հանդիպումը կայացած է ԵԱՀԿ Մինսքի խումբի համանախագահներ Ռոպերթ Պրատքէի, Իգոր Պոպովի, Ժաք Ֆորի, ինչպէս նաեւ ԵԱՀԿ գործող նախագահի անձնական ներկայացուցիչ Անճէյ Գասպրչիկի հետ: Այս մասին կը հաղորդէ ԱԳՆ մամուլի եւ տեղեկատւութեան վարչութիւնը:

 Հանդիպման ընթացքին քննարկուած են Լեռնային Ղարաբաղի հիմնախնդրի կարգաւորման գործընթացին առնչուող հարցեր: Եռանախագահներու առաջարկով համաձայնութիւն ձեռք բերուած է  յաջորդ տարեսկիզբին Հայաստանի եւ Ատրպէյճանի արտաքին գործոց նախարարներու հանդիպում կազմակերպելուն վերաբերեալ:

Յիշեցնենք, որ Նալպանտեանի ղեկավարած պատուիրակութիւնը Իրլանտա մեկնած էր` մասնակցելու Եւրոպայի մէջ անվտանգութեան եւ համագործակցութեան կազմակերպութեան արտաքին գործոց նախարարներու խորհուրդի 19-րդ նստաշրջանին: Նստաշրջանին կը մասնակցին ԵԱՀԿ անդամ 57 երկրի արտաքին քաղաքական գերատեսչութիւններու ղեկավարներ, ինչպէս նաեւ շուրջ երկու տասնեակ միջազգային կազմակերպութիւններու բարձրաստիճան ներկայացուցիչներ:

LEAVE A REPLY

Please enter your comment!
Please enter your name here