Նիկոլ Յարութիւնով Բռնցքամարտի Աշխարհի Ախոյեան

0
126

Բռնցքամարտի աշխարհի երիտասարդական առաջնութեան եզրափակիչին Հայաստանի ներկայացուցիչ Նիկոլ Յարութիւնով առաւելութեան հասաւ սկովտիացի Սքոթ Ֆորեսի նկատմամբ` նուաճելով ոսկէ մետալ:

Հայ բռնցքամարտիկը առաջին ռաունտը սկսաւ յարձակողական ոճով` զայն աւարտելով 1-2` ի օգուտ իրեն: Երկրորդ ռաունտին Յարութիւնովը հրաշալի պաշտպանութեան հետ մէկտեղ կը յարձակէր: Եզրափակիչ երրորդ ռաունտին կիրքերը բորբոքեցան եւ երկու բռնցքամարտիկներն ալ սկսան «բաց՚ խաղ ցուցադրել: Յարութիւնովի առաւելութիւնը ակնյայտ էր, եւ ան յաղթեց երեք ռաունտերու ընդհանուր 9-13 հաշուով:

Բռնցքամարտի աշխարհի երիտասարդական առաջնութեան Հայաստանը կը ներկայացնէին 10 մարզիկներ, սակայն անոնցմէ  միայն մէկը հասաւ եզրափակիչ հանգրուան: Երեւանեան այս առաջնութեան կը  մասնակցէին 69 երկիրներու  405 բռնցքամարզիկներ:

LEAVE A REPLY

Please enter your comment!
Please enter your name here