Սուրիահայերուն Աշխատանքի Տեղաւորելու Նպատակով Երեւանի Մէջ Աշխատանքի Տօնավաճառ Պիտի Կազմակերպուի

0
126

Հայաստանի մէջ ապաստանած սուրիահայերու աշխատանքի տեղաւորման աջակցելու նպատակով ՀՀ աշխատանքի եւ հասարակական հարցերու նախարարութեան Զբաղուածութեան պետական ծառայութիւնը Դեկտեմբեր 16-ին Երեւանի մէջ պիտի կազմակերպէ աշխատանքի տօնավաճառ: Այս մասին, ըստ Armenpress.am-ի, Դեկտեմբեր 7-ին լրագրողներու հետ հանդիպման ժամանակ յայտնած է զբաղուածութեան պետական ծառայութեան գործակալութեան պետ Սոնա Յարութիւնեան:

Անոր ներկայացմամբ` ծառայութիւնը արդէն խորհրդատւութիւն տրամադրած է 255 սուրիահայու, որուն 197-ը ներկայացած է զբաղուածութեան մարզային եւ տարածքային կեդրոններ: “Նրանցից զբաղուածութեան մարզային եւ տարածքային կենտրոններում հաշուառուել են 38-ը, աշխատանքի են տեղաւորուել 46-ը”,- ըսած է ան` աւելցնելով, որ մասնագիտական ուսուցման տարբեր դասընթացներու մէջ ընդգրկուելու ցանկութիւն յայտնած է 13 սուրիահայ:

Յարութիւնեանի տեղեկացմամբ` 2012 Դեկտեմբեր 1-ի դրութեամբ կազմակերպուած է վեց տօնավաճառ` Հրազդան, Իջեւան, Վանաձոր, Գիւմրի, Արտաշատ եւ Գորիս քաղաքներուն մէջ, որոնց մասնակցած է 195 գործատու, շուրջ 8850 աշխատանք փնտռող, գործատուներու կողմէ ներկայացուած է 1119 թափուր եւ 834 կանխատեսուող աշխատատող: Տօնավաճառներու աւարտէն ետք` երեք ամիսներու արդիւնքներով` աշխատանք գտած է 414 մարդ:

LEAVE A REPLY

Please enter your comment!
Please enter your name here