Թուրքիոյ Մէջ Ցեղասպանութեան Մասին Խօսող Քիւրտ Երաժիշտին Երեք Տարի Արգիլած են Խօսիլ

0
118

 Թուրքիոյ Տերսիմ նահանգին մէջ ծնած եւ թրքական իշխանութիւններուն դէմ բաւական խիստ յայտարարութիւններով յայտնի քիւրտ հանրածանօթ երաժիշտ Ֆերհաթ Թունչը դատարանի կողմէ արժանացած է զաւեշտալի պատիժի: Այս մասին կը հաղորդէ News.am-ը` վկայակոչելով թրքական Bianet.org կայքը:

Ֆերհաթ Թունչի 1 Մայիս 2011-ին Տերսիմի մէջ ըրած յայտարարութեան համար` Մալաթիոյ ծանր յանցագործութիւններու գործերով 3 դատարանը զինք դատապարտած է երկու տարուան ազատազրկման, միեւնոյն ժամանակ որոշում կայացուցած, որ անոր երեք տարի կ’արգիլուի ելոյթներ ունենալ կամ յայտարարութիւններ ընել:

Թրքական դատարանի որոշման մէջ նշուած է, թէ ան Թուրքիոյ մէջ արգիլուած ահաբեկչական կառոյցի քարոզչութիւն ըրած է` նշելով, թէ ժողովուրդին կ’ողջունէ “մաոական կոմունիստական” կուսակցութեան (այդ կուսակցութիւնը Թուրքիոյ մէջ ահաբեկչական կը համարուի եւ արգելուած է) առաջնորդներու յեղափոխական ոգիով: Դատարանը երկու տարի ազատազրկման կիրառումը յետաձգած է, սակայն ուժի մէջ ձգած երեք տարի չխօսելու որոշումը:

Ֆերհաթ Թունչը դատէն ետք պնդած է, թէ պիտի շարունակէ խօսիլ, անկախ դատարանի տուած պատիժի տեսակէն:

Նշենք, որ Ֆերհաթ Թունչ իր հարցազրոյցներուն կամ հրապարակախօսութիւններուն մէջ կը խօսի Թուրքիոյ մէջ տեղի ունեցած ցեղասպանութիւններու դատապարտման անհրաժեշտութեան մասին:

“Ցեղասպանութիւններն ու կոտորածները կը կազմեն մարդկութեան պատմութեան մութ էջերը: Մութ էջերէ կազմուած իրենց պատմութեան հետ առերեսումէ խուսափոխ պետութիւնները կը շարունակեն յանցանքներ գործել: Մենք կանգնած են 1915-ի Հայոց Ցեղասպանութեան հետ նոյն կերպ չառրեսուող, նոյնիսկ ներողութիւն մը շատ համարող պետական աւանդոյթին դէմ”,- ամիսներ առաջ յայտարարած էր Ֆերհաթ Թունչ:

LEAVE A REPLY

Please enter your comment!
Please enter your name here