Ուաշինկթընի Մէջ Քննարկուած Է ԼՂ Հակամարտութեան Կարգաւորման Հարցը

0
151

Լեռնային Ղարաբաղի Հանրապետութեան արտաքին գործոց նախարար Կարէն Միրզոյեան Դեկտեմբեր 6-ին այցելած է Ուաշինկթընի մօտ Հայաստանի դեսպանատուն, ուր ան հանդիպած է ՀՀ դեսպան Թաթուլ Մարգարեանի եւ դեսպանութեան աշխատակցներու հետ:

Այս մասին կը հաղորդէ ԼՂՀ ԱԳՆ մամուլի ծառայութիւն, հայ դիւանագէտներու հետ հանդիպումէն ետք արտաքին գործոց նախարար Միրզոյեան հանդիպած է Ուաշինկթընի մէջ գործող ամերիկահայ կազմակերպութիւններու եւ հոգեւորականութեան ներկայացուցիչներու հետ: Հանդիպման ընթացքին քննարկուած են ղարաբաղա- ատրպէյճանական հակամարտութեան բանակցութիւններու ներկայ փուլին առնչուող հարցեր:
Նախարարը ներկայացուցած է նաեւ երկրի համակողմանի զարգացումը ապահովելու ուղղութեամբ Արցախի իշխանութիւններուն կողմէ ձեռնարկուող քայլերը:

Օրուան երկրորդ կէսին ԼՂՀ ԱԳ նախարարը մասնակցած է ղարաբաղեան հակամարտութեան կարգաւորման թեմայով փակ քննարկման, որ կազմակերպած էր Միջազգային խաղաղութեան Կարնեքի հիմնադրամը` տարածաշրջանային փորձագէտներու, գիտնականներու եւ Ուաշինկթընի մէջ գործող հետազօտական կեդրոններու ներկայացուցիչներու մասնակցութեամբ:

 

LEAVE A REPLY

Please enter your comment!
Please enter your name here