Զինեալները Ռմբակոծած Են Հոմսի Հայկական Թաղամասը

0
153

Սուրիոյ մէջ զինեալները Դեկտեմբեր 9-ին Հոմս քաղաքի հարաւը գտնուող հայկական թաղամասը ռմբակոծած են, որուն հետեւանքով զոհուած է չորս քաղաքացի, կան նաեւ վիրաւորներ: Այս մասին կը հաղորդէ «Արմենփրէս»-ը` վկայակոչելով սուրիական աղբիւրները:

 Բացի մարդկային վնասներէ թաղամասը կրած է լուրջ նիւթական վնասներ: Աւերուած են խանութները, վնասուած են ջրամատակարարման եւ ելեկտրական կայանները: Յայտնի է, որ զինեալները «Ալ Քայիտա» ահաբեկչական կազմակերպութեան անդամներ են: Ոչ պաշտօնական տուեալներով` մահացածներուն մէջ հայեր չկան:

Հալէպի Պոսթան Փաշա թաղամասին մէջ զինեալներու դէմ պայքարի ժամանակ կառավարական ուժերը քսանէ աւելի զինեալներ ոչնչացուցած են: Զինեալներ ոչնչացուած են նաեւ Լիրմուն, Հանտարաթ, Քուպթան ալ Ջապալ շրջաններու եւ մօտակայ գիւղերու մէջ:

Բախումները շարունակուած են նաեւ Դամասկոսի մօտակայքին գտնուող Զիյապիա գիւղին մէջ «Ժապահատ ալ Նուսրա» խմբաւորման եօթ տասնեակ անդամներ սպաննուած եւ վիրաւորուած են, որոնց մէջ՝ թունուզցի եւ յորդանանցի վարձկաններ:

 

LEAVE A REPLY

Please enter your comment!
Please enter your name here