Հալէպի Իրավիճակը Այսօր

0
140

Հայաշատ Հալէպի մէջ կրկին ելեկտրականութիւն չկայ, հեռախօսակապը եւս կանոնաւոր չի գործեր: Այս մասին «Արմենփրէս»-ին տեղեկացուցած է Բերիոյ թեմի ազգային առաջնորդարանի մամուլի քարտուղար Ժիրայր Ռէյիսեան` աւելցնելով, որ Դեկտեմբեր 9-ին Հալէպի որոշ թաղամասեր ելեկտրականութիւն ունեցած են, սակայն երեկոյեան քաղաքը կրկին խաւարի մէջ եղած է:

Միակ դրական փոփոխութիւնը ջուրի առկայութիւնն է, որ եւս մէկ քանի օր առաջ չկար: Ռէյիսեան նաեւ տեղեկացուցած է, որ հացի խնդիրը սուր տագնապի առիթ կը հանդիսանայ, փուռերը չեն կրնար աշխատիլ, եղանակը արդէն ցուրտ է եւ յաճախ փողոցներու մէջ մարդիկ կրակ կը վառեն եւ այդպէս կը տաքնան: Բախումներու մասին Ռէյիսեան տեղեկացուցած է, որ կրակոցներու եւ պայթումներու ձայներ կը լսուին հեռուէն, իսկ կեդրոնական թաղամասերուն մէջ իրավիճակը աւելի հանգիստ է: 
Սուրիահայ Նազարէթ Էլմաճեան տեղեկացուցած է, որ Հոմսի հայկական թաղամասին մէջ այլեւս հայեր չեն բնակիր, պարզապէս թաղամասին անունը այդպէս մնացած է եւ քաղաքին մէջ ռմբակոծութեան հետեւանքով զոհուածներուն մէջ հայեր չկան: Սուրիական լրատուամիջոցները Դեկտեմբեր 10-ին տեղեկութիւն հրապարակած էին, որ Հոմս քաղաքի հայկական թաղամասը ռմբակոծութեան ենթարկուած է զինեալներու կողմէ, որուն հետեւանքով չորս քաղաքացի զոհուած էր, կային նաեւ վիրաւորներ:

LEAVE A REPLY

Please enter your comment!
Please enter your name here