Human Rights Watch-ը Քննադատած Է Թուրքիոյ Մարդու Իրաւունքներու Պաշտպանի Ընտրութիւնը

0
124

Մարդու իրաւունքներու ուսումնասիրման (Human Rights Watch) կազմակերպութեան Թուրքիոյ հետազօտող Էմմա Սինքլըր-Ուէպ քննադատած է երկրին մէջ մարդու իրաւունքներու պաշտպանի պաշտօնին Նիհաթ Օմերօղլուի նշանակումը: Այս մասին կը հաղորդէ «Արմենփրէս»-ը՝ վկայակոչելով թրքական «Հիւրիէթ» օրաթերթը:

Հրանդ Տինքը դատապարտելու վերաբերեալ Նիհաթ Օմերօղլուի ընդունած որոշման անդրադառնալով` Սինքլեր-Ուէպ քննադատած է թրքական իշխանութիւններու նման ընտրութիւնը: «Եթէ թրքական կառավարութիւնը լրջօրէն տրամադրուած է մարդու իրաւունքները պաշտպանող կազմակերպութիւն ստեղծելու հարցով, ապա պէտք է վերանայի իր այդ քայլը»,- յայտարարած է Մարդու իրաւունքներու ուսումնասիրման կազմակերպութեան ներկայացուցիչը:

Նախապէս Թուրքիոյ նորընտիր Մարդու Իրաւունքներու պաշտպանի հրաժարականը պահանջած էին ընդդիմադիր Ժողովրդահանրապետական կուսակցութեան փոխնախագահ Սեզգին Թանրըքուլուը եւ այլ կուսակցականներ, յայտնի հրապարակախօսներ եւ լրագրողներ, ինչպէս նաեւ Հրանդ Տինքի եղբայր Օրհան Տինքը:

 

 

LEAVE A REPLY

Please enter your comment!
Please enter your name here