ԱՄՀ-ն Հաստատած է Հայաստանին 51.4 Միլիոն Տոլարի Յատկացումը

0
443

Արժոյթի Միջազգային Հիմնադրամի (ԱՄՀ) գործադիր խորհուրդը աւարտած է «Երկարաձգուող ֆինանսաւորման» (EFF) եւ «Երկարաձգուող վարկաւորման» (ECF) ծրագրերու օժանդակութեամբ իրականացուող ծրագրի ծիրէն ներս Հայաստանի տնտեսական կատարողականի հինգերորդ ամփոփիչ ստուգումը:

 Ամփոփիչ ստուգման եզրափակումը իշխանութիւններուն կու տայ լրացուցիչ 33.5 միլիոն ՓՀԻ (մօտաւորապէս 51.43 միլիոն ԱՄՆ տոլար) փոխառելու հնարաւորութիւն` ծրագրերու ծիրէն ներս տեղաբաշխուած ընդհանուր գումարը հասցնելով 211.8 միլիոն ՓՀԻի (մօտաւորապէս 324.4 միլիոն ԱՄՆ տոլարի): Հայաստանի հետ 266.8 միլիոն ՀՓԻ (408.7 միլիոն ԱՄՆ տոլար) գումարով EFF  եւ ECF եռամեայ ծրագրերը ԱՄՀի գործադիր խորհուրդը հաստատած է 2010 Յունիս 28-ին: Այս մասին կը յայտնեն ԱՄՀ հայաստանեան գրասենեակէն:

 Գործադիր խորհուրդը հաւանութիւն տուած է նաեւ իշխանութիւններու դիմումին` շուկային մէջ անսպասելի ճնշումներու հետեւանքով զուտ պաշտօնական միջազգային պահուստներու նուազագոյն սահմանաչափի 2012 Յունիսի վերջի համար սահմանուած կատարողական չափորոշիչի չպահպանման համար բացառութիւն ընելու եւ 2012 Դեկտեմբերի վերջին համար կատարողականի նոյն չափորոշիչը փոփոխելու մասին

Գործադիր խորհուրդը աւարտած է նաեւ Հայաստանի հետ IV յօդուածի ծիրէն ներս իրականացուող խորհրդակցութիւնները, որոնց ժամանակ կը քննարկուին միջնաժամկէտ տեսանկիւնէն տնտեսական քաղաքականութիւնը եւ քննութեան առած է Հայաստանի հետ հիմնադրամի փոխյարաբերութիւններու վերաբերեալ Փաստացի գնահատման վերանայուած զեկոյցը: Գործադիր խորհուրդի քննարկումէն ետք կառավարիչ տնօրէնի տեղակալ եւ նախագահողի պաշտօնակատար Նեմաթ Շաֆիք նշած է,- «Հայաստանի տնտեսութիւնը շարունակած է վերականգնիլ համաշխարհային տնտեսական ճգնաժամի ծիրէն ներս 2008-2009-ին արձանագրուած խոր անկումէն: 2012-ին տնտեսութեան աճը արագացած է եւ կը սպասուի, որ 2013-ին անիկա գտնուի հաւանական մակարդակի շուրջ: Այնուամենայնիւ դեռ կը պահպանուին խոցելիութիւններ, որոնք կապուած են ընթացիկ հաշուի մեծ պակասուրդով եւ դրամատնային հատուածի տոլարայնացման բարձր աստիճանով». յայտնած է ան:

 

 

LEAVE A REPLY

Please enter your comment!
Please enter your name here