Անահիտ Աստուածուհիի Կիսանդրին Հայաստան Փոխադրելու Բանաւոր Համաձայնութիւն Կը Գոյանայ

2
1040

 Բրիտանական թանգարանի հետ բանաւոր համաձայնութիւն գոյացած է  Անահիտ աստուածուհիի արձանին  գլուխը Հայաստան փոխադրելու եւ ժամանակաւոր ցուցադրութիւն կազմակերպելու վերաբերեալ:

Փաստաթուղթերը պատրաստ են, որոշ հարցեր շտկելէ ետք` յառաջիկային անոնք պիտի ներկայացուին Բրիտանական թանգարանին: Այս մասին կը հաղորդէ PanArmenian.net-ը:  

Հայաստանի երիտասարդական հիմնադրամի հասարակայնութեան հետ կապերու եւ լրատուութեան բաժնի աշխատակից Լիլիթ Գրիգորեանի տեղեկութիւններով` Մարտ 7-ին  Մեծ Բրիտանիոյ եւ Հիւսիսային Իրլանտայի Միացեալ Թագաւորութեան դեսպանատան մօտ Հայաստանի երիտասարդական հիմնադրամը կազմակերպած էր Անահիտ աստուածուհիի արձանին  բեկորները Լոնտոնի Բրիտանական թանգարանէն Հայաստան տեղափոխելուն նուիրուած հաւաք: Հայաստանի երիտասարդական հիմնադրամը ԿԳ նախարար Արմէն Աշոտեանի հետ Մեծ Բրիտանիոյ դեսպաններուն փոխանցած են Անահիտ դիցուհիի արձանը հայրենիք վերադարձնելու ուղերձը եւ հիմնադրամի նախաձեռնութեան միացած երիտասարդներուն ստորագրութիւնները:

Հայաստանի երիտասարդական հիմնադրամը Փետրուար 20-27 կազմակերպած էր ստորագրահաւաք: Մայրաքաղաքէն եւ հանրապետութեան տասը մարզերէն շուրջ 20 հազար երիտասարդ միացած են Մեծ  Բրիտանիոյ դեսպաններուն յղուած ուղերձին:

 

 

2 COMMENTS

  1. Երբ արեւելահայերէնէ արեւմտահայերէն փոխադրում կը կատարուի, պէտք է ուղղել յն ոճերը, որոնք մեզի համար խորթ են. օրինակ՝ «Որոշ հարցեր շտկելէ ետք…»: Սա հայերէն չէ, գոնէ արեւմտահայերէն չէ: Հարցը ՉԻ ՇՏԿՈՒԻՐ, այլ կը հարթուի, կը լուծուի, կը քննուի եւ այլն:

  2. Յարգելի՛ խմբագրութիւն,
    Խորագիրի մը բոլոր բառերը գլխագիրով սկսիլը անգլո-ամերիկեան շատ յոռի սովորութիւն մըն է՝ վայքինկներէ ու եանքիներէ ժառանգ մնացած: Փափաքելի է, որ թօթափէք այս մոլութիւնը ու չգրէք՝ «Անահիտ Աստուածուհիի Կիսանդրին Հայաստան Փոխադրելու Բանաւոր Համաձայնութիւն Կը Գոյանայ», այլ գրէք՝ «Անահիտ աստուածուհիի կիսանդրին Հայաստան փոխադրելու բանաւոր համաձայնութիւն կը գոյանայ». այս վերջին ձեւը մեզ աւելի կը հայացնէ ու հաշտ կ’ընթանայ նաեւ մեր գրչագրական արուեստի աւանդոյթներուն հետ:
    Շնորհակալութիւն Ձեր ուշադրութեան համար:

LEAVE A REPLY

Please enter your comment!
Please enter your name here