Արմէն Աշոտեան Այցելած Է Սուրիահայերու «Կիլիկեան» Վարժարանը

0
158

  Հայաստանի  կրթութեան եւ գիտութեան նախարար Արմէն Աշոտեան այցելած է Երեւանի մէջ  գործող  «Կիլիկեան» վարժարանը: Արդէն երկրորդ ամիսն է` ՀՀ կրթութեան եւ գիտութեան նախարարութեան, Երեւանի քաղաքապետարանի աջակցութեամբ եւ «Կիլիկեան Բարեսիրական Միութեան» հովանաւորութեամբ, մայրաքաղաքի Նար Դոսի անուան թիւ 14 դպրոցին մէջ կը գործէ սուրիահայ երեխաներու համար` սուրիական հանրակրթական ծրագիր իրականացնող հիմնական դպրոցը:

ՀՀ կրթութեան եւ գիտութեան նախարարութենէն կը տեղեկացնեն, որ նախարարը նախ շրջած է դասարաններ, զրուցած է աշակերտներուն հետ, լսած անոնց ցանկութիւնները, ինչպէս նաեւ անոնց տպաւորութիւնները ուսումնական գործընթացին վերաբերեալ: Աշակերտները իրենց ակնկալիքներու ծիրէն ներս նշած են Ամանորին ընդառաջ դպրոցին մէջ տօնածառ  ունենելու ցանկութիւնը, որուն ի պատասխան` նախարարը խոստացած է կատարել զայն, ինչպէս նաեւ ապահովել ամանորեայ տօնական միջոցառումներուն աշակերտներուն մասնակցութեան հնարաւորութիւնը:

Արմեն Աշոտեան զրուցած է նաեւ դպրոցի տնօրինութեան եւ Կիլիկեան բարեսիրական միութեան ներկայացուցիչին հետ, որոնք նախարարին տեղեկացուցած են, թէ դպրոցը ապահովուած է ուսումնական գործընթացի համար անհրաժեշտ բոլոր պայմաններով. դասերը տեղի կ’ունենան վերանորոգուած դասարաններու մէջ, աշակերտներուն տրամադրուած են բոլոր դասագիրքերը: Նախարարը հետաքրքրուած է ուսուցման կազմակերպման եւ դասաւանդման որակով, մասնաւորապէս, ընդգծած, թէ ինչպիսի օգնութեան կարիք ունի դպրոցը, եւ կրթութեան ոլորտի պատասխանատուները յաւելեալ ինչ աջակցութիւն կրնան ցուցաբերել դժուարին իրավիճակի մէջ յայտնուած մեր հայրենակիցներիուն:

Ներկայիս «Կիլիկեան»  վարժարանին  մէջ կրթութիւն կը ստանան 1-9-րդ դասարաններու մօտ 260 սուրիահայ աշակերտներ:

LEAVE A REPLY

Please enter your comment!
Please enter your name here