ՀՀ ԱԺ Նախագահը Մասնակցած է Միջազգային Խորհրդարանական Համաժողովին

0
155

Դեկտեմբեր 10-ին ՀՀ ԱԺ նախագահ Յովիկ Աբրահամեան Մոսկուայի մէջ մասնակցած էԺամանակակից փառլամենթարիզմը եւ ժողովրդավարութեան ապագանմիջազգային խորհրդարանական համաժողովին, որուն կը մասնակցէին բազմաթիւ երկիրներու խորհրդարանականներ, պետական եւ քաղաքական գործիչներ:

Համաժողովի ընթացքին ՀՀ ԱԺ նախագահը հանդէս եկած է ելոյթով:  Համաժողովի ընթացքին ելոյթ ունեցած են Ռուսաստանի Պետական Տումայի նախագահ Սերկէյ Նարիշքինը, Դաշնութեան խորհուրդի նախագահ Վալենթինա Մաթվիենքօն, ԵԱՀԿ Խորհրդարանական վեհաժողովի նախագահ Ռիգարտօ Միլէորին, Ռուսաստանի ԱԳ նախարար Սերկէյ Լաւրովը, Սերպիոյ խորհրդարանի նախագահ Ն. Սթեֆանովիչը, Պետական Տումայի խմբակցութիւններու ղեկավարները եւ ուրիշներ:

 Համաժողովի ծիրէն ներս ՀՀ ԱԺ նախագահ Յովիկ Աբրահամեան հանդիպած է ԵԱՀԿ Խորհրդարանական վեհաժողովի նախագահ Ռիքարտօ Միլէորիի հետ: ԱԺ նախագահը նշած է, որ Հայաստան բարձր կը գնահատէ ԵԱՀԿ կառոյցներու հետ սերտ համագործակցութիւնը եւ կարեւոր համարած է ԵԱՀԿ ԽՎ դերը միջխորհրդարանական երկխօսութեան զարգացման գործընթացին մէջ: Խորհրդարանի ղեկավարին խօսքով` Հայաստան մեծապէս կարեւոր կը նկատէ կազմակերպութեան աջակցութիւնը մեր երկրին մէջ ընթացող ժողովրդավարական բարեփոխումներու գործընթացին

ԵԱՀԿ ԽՎ նախագահը նոյնպէս բարձր գնահատած է ԵԱՀԿ ԽՎ եւ Հայաստանի Ազգային ժողովի փոխգործակցութեան մակարդակը եւ կարեւոր համարած համագործակցութեան յետագայ զարգացումը: Հանդիպման ընթացքին կողմերը անդրադարձած են տարածաշրջանային խնդիրներուն, ԼՂ հակամարտութեան կարգաւորման եւ երկկողմ հետաքրքրութիւն ներկայացնող այլ հարցերու եւս: Կողմերը ընդգծած են, որ ԼՂ հակամարտութիւնը պէտք է կարգաւորուի խաղաղ բանակցութիւններու իբրեւ արդիւնք` ԵԱՀԿ Մինսքի խումբին ծիրէն ներս:

 

 

LEAVE A REPLY

Please enter your comment!
Please enter your name here