Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ՔՐԻՍՏՈՆԵԱՅ-ԻՍԼԱՄ ԵՐԿԽՕՍՈՒԹԵԱՆ ՅԱՁՆԱԽՈՒՄԲԻ ԸՆԴՀԱՆՈՒՐ ՔԱՐՏՈՒՂԱՐԸ

0
156

 Երեքշաբթի 11 Դեկտեմբեր 2012-ի առաւօտուն, Վեհափառ Հայրապետը իր գրասենեակին մէջ ընդունեց Լիբանանի Քրիստոնեայ-Իսլամ Երկխօսութեան Յանձնախումբի ընդհանուր Քարտուղատ Դոկտ. Մոհամմէտ Սամմաքը:

Յայտնենք, որ Դոկտ. Սամմաք միաժամանակ Արաբական Տիալոկի Յաձնախումբի անդամ է եւ Սէուտական Արաբիոյ Թագաւորին կողմէ հաստատուած Վիեննայի Երկխօսութեան Կեդրոնի Գործադիր Վարչութեան քարտուղարն է: Վեհափառ Հայրապետին հետ ունեցած իր հանդիպման նաեւ ներկայ եղաւ Կաթողիկոսարանի Միջ-եկեղեցական ու Միջ-կրօնական Յարաբերութեանց Յանձնախումբի փոխ-Ատենապետուհի Տիկին Թենի Փիրի-Սիմոնեանը:

Հանդիպումը առիթ մը եղաւ ընդհանուր վերատեսութեան ենթարկելու  ընդհանրապէս քրիստոնեայ-իսլամ երկխօսութիւնը եւ յատկապէս Միջին Արեւելքէն ներս քրիստոնեայ-իսլամ երկխօսութիւնն ու գործակցութեան ներկայ հանգրուանը: Վեհափառ Հայրապետը կարեւորութեամբ ընդգծեց քրիստոնեայ-իսլամ գործակցութիւնը վերաշեշտելու հրամայականը շրջանէն ներս տեղի ունեցող վերիվայրումներուն լոյսին տակ: Վեհափառ Հայրապետը ըսաւ .«Դարեր շարունակ քրիստոնեաներ ու իսլամներ գոյկացած են: Ճիշդ է, երբեմն այդ գոյակցութիւնը զանազան պատճառներու բերումով ենթակայ դարձած է ներքին լարուածութիւններու, սակայն որպէս միաստուածեան կրօններ քրիստոնէութիւն ու իսլամութիւն հասարակաց արժէքներ ու սկզբունքներ ունին, որոնք հիմքը պէտք է ծառայեն ամուր գործացկութեան ու հասարակաց մօտեցումներու` ներկայ ընկերութիւնը յուզող հարցերու նկատմամբ»:

Դոկտ. Սամմաք մեծապէս գնահատեց Վեհափառ Հայրապետին ու Մեծի Տանն Կիլիկիոյ Կաթողիկոսութեան գործօն մասնակցութիւնը քրիստոնեայ-իսլամ երկխօսութեան, թէ՛ շրջանային եւ թէ միջազգային մակարդակներու վրայ: Ան ըսաւ, որ «հայ ժողովուրդի պատմական փոձառութիւնը քրիստոնեայ-իսլամ երկխօսութեան կրնայ կարեւոր ներդրում մը բերել այս օրերուն մանաւանդ»: Դոկտ. Մոհամմէտ Սամմաք ապա ճաշի հիւրը եղաւ Վեհափառ Հայրապետին:

LEAVE A REPLY

Please enter your comment!
Please enter your name here